TAHAN LAWAS


TAHAN LAMA
Oleh: Candra Awapa, Ampukung, Kalua

Tiap kamarian takumpulan bubuhan pamudaannya di warung Nya Abran. Ada Jarni, Roni wan Utuh Hirman. Kada lawas datang Julak Adum langsung memesan coffeemix sambil mandangarkan kisah bubuhannya ne.

“Aku tuh ai, makai obat nang semalam tu kada tahan lawas, 2 ronda za tahan, ngintu gin bapaksaan, umanya handak tarus,” jar Jarni.

“Kam kada sabar kalu imbah mauntal obat tu langsung main kalu jadi capat kluarnya!” Jar Utuh Hirman.

“Dasar bujur pang, kayapa mun kada tahan, umanya mambari bangat pang,” (sambl takureheng ha Jarni, kalihtan ha gi nang agak manunjul).

“Aku,” jar Roni, “wayahini maracik saurang jadi tahan 4-5 ronda,” (sambil mangaluarkan ha obat nang ada di kantungnya).

“Nah pas bangat,” jar Julak Adum, “Malam ni malam Jum’at, aku handak mambunuh kurais, mananya obatnya, aku handak mancoba jua. bilanya ada, banyaki ha obatnya supaya tahan lama sampai ka subuh.”

Langsung dijlungi bubuhannya obatnya, balain-lain ha obatnya. Malamnya, langsung diuntal Julak Adum obat kuat nang sing banyakan tadi (dalam hati maraha balain-lain, kalu tahan sampai ka subuh). Kira-kira sa jam, mulai tarasa panas, “Sadang sudah,” jar Julak Adum, “biasanya kaya ini umanya sudah manyiapkan lapangan, kakanakan sudah guringan pang.” Rahatan di muka lawang kamar, takajut Julak Adum malihat nang bini mangaruh taguring, langsung digarak julak.

“Umamu… umamu…! Napa maka taguring, kalwasan mahadangkah?”

“Mahadang apa?” Jar nang bini.

“Jah, kada ingat lagi kah umamu pada malamni malam Jum’at, biasanya tiap malam Jum’at kita mambunuh qurais kalu? Karis batagar nah, saminggu sudah kada dibasuh!”

“Kada malihatkah abahmu, ni salawarku basah, lampu merah datang kada diduga-duga.”

“Jah!” Jar Julak Adum, “Kanapa umamu kada bapadah pada lampu merah datang, aku maka mauntal obat kuat banyak bangat,” sambil kaluar ninggalkan nang bini.

Makin lawas makin panas awak Julak Adum ni, handak guring kada mau taguring, tapaksa badiam di muka lawang rumah spaya kada kapanasan. Dasar bujur tahan lama obatnya ni, napa mun sampai ka subuh Julak Adum kapanasan kada mau taguring sambil batapak nyamuk.

Iklan

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s