TAMINUM GAJAH (Serial Utuh Ujai)


TAMINUM GAJAH (Serial Utuh Ujai)
Oleh: Pambakal Jingah Rabit

Di kampung Jingah Rabit, banyak kakanakan nang pina rusak pikiran. Gara-garanya handak jadi urang gaul jar. Mulai salawar nang batumbus di lintuhut, baju nang balipat langannya, batindik, sampai baminum-minum banda nang kada karuan. Minggu sumalam si Adum halus taampar gara-gara manginum dikstrul 50 biji, isuknya Utuh Ujai pulang taampar imbah managuk akohol cap gajah ampun adingnya. Kada lawas tadangar pulang Si Ijap anak Su Ijak nang teler imbah mancium wan maisap lim kastol. Malam tadi Amat Buntal anak kamanakan Utuh Runi nang malali imbah manginum buah kacubung. Pukuknya samingguan ne gigir kampung, gara-gara kalakuan kakanakan nang kada mangaruan. Bila kada wani hanyunyung-hanyunyung, balum gaul lagi urangnya, jar kakanakan waktu itu.

Kalakuan nang kada mangaruan ne tabawa juwa ka sakulahan di SMP Sambang Lihum. Hari nintu praktik palajaran Biologi. Guru Apur mambawa dua butul banyu, sabuting banyu miniral, sabutingnya alkohol. Imbahtu sidin mangaluarkan dua ikung cacing matan wadah.

“Nah, kakanakan. Hari ne kita praktik. Buat kalumpuk nang kaya rajin!”

Langsung rami kakanakan baatur duduk. Utuh Ujai sakalumpuk wan Adum Halus, Si Ijap, wan Amat Buntal. “Nah am, takumpul bubuhan nang gaulnya,” jar Utuh Ujai sambil kukurihing tapaimbay wan tatawaan bubuhannya.

Imbah tuntung maulah kalumpuk, lalu guru Apur nang gaya batuk-batuk. “Ahm…ahm. Cuba buhan kam lihati ka mari. Bapa handak mamasukkan cacing ne ka dalam banyu. Nang subalah kanan banyu miniral, nang subalah kiri banyu alkuhul.”

Sunyaan mata kakanakan tatuju ka cangkir nang ada di mija guru. Cacing nang baandak di banyu miniral bakunyung-kunyung wan bagarak-garak. Cacing nang di banyu alkuhul badiam haja, lalu mati. Guru Apur takurihing malihat anak-anak didiknya nang parhatian banar wan palajaran.

“Sudah, nah sekarang, kasimpulan apa nang bagian kam ambil imbah paristiwa tadi. Tulis di kartas, lalu bacakan di hadapan kakawanan!” Jar Guru Apur.

Imbah 5 manit, tuntungan buhannya manggawi. Lalu kalumpuk satu nang diwakili si Enor mambacakan. “Kasimpulan kami, cacing akan mati bila dirandam di banyu alkuhul, bila dirandam di banyu miniral, inya kawa bartahan hidup.”

“Bagus sekali, barikan aplus dahulu!” Jar Guru Apur. “Nah, kalumpuk dua pulang!”

Maju ae Amat Buntal mambacakan, “Jadi, manurut kasimpulan buhan kami, SUPAYA JANGAN CACINGAN, RANCAKI KITA MINUM GAJAH, PAK…!!”

Langsung tadikir Guru Apur imbah mandangar jawapan bubuhan Utuh Ujai, Adum Halus, Si Ijap, wan Amat Buntal. Handak disambat salah jawapannya, katiya masuk akal haja.

Iklan

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s