SU IJAK SAKIT PARUT


SU IJAK SAKIT PARUT
Oleh: Pambakal Jingah Rabit

Wayah karisis munitir datang, sunyaan urang di kampung Jingah Rabit sakit pancarian. Banih habis makani tikus, puhun para kada bagatah, iwak kada baharaga, sunyaan sarba ngalih. Balalu takisah Su Ijak wan Wanbuy nang sapakat handak tulak marantau ka Samarinda. Bangaran musim ngalih, tapaksa ae mambawa duit saadanya. Su Ijak bahutang duit wan Utuh Hirman saratus ribu, Wanbuy bahutang wan Julak Adum tangah duaratus ribu.

Isuk harinya tulakan buhannya badua ne ka Samarinda. Sakalinya, sakit juwa pancarian di sana. Kujuk-kujuk sana sini mancari gawian, kadada taulih juwa. “Pukuknya, nangapa haja nang kawa digawi kugawi,” jar Su Ijak. “He eh,” jar Wanbuy juwa. Imbah lima hari di Samarinda, parsadiaan duit buhannya ne habis. Nangkaya kaguguran bulan baigian, sakalinya ada tawaran gawian mambuka hutan pakai parusahaan batubara. Lalu umpat ae badudua ne bagawi lawan 12 ikung kawan nang lain.

Sampai di hutan, pas hari parak kamarian. Tapaksa buhannya maulah biskim pakai wadah guringan. Imbah diputusakan, buhannya meulah biskim kada jauh wan danau halus, di higanya ada puhun kariwaya nang ganal. Imbah tuntung beulah biskim, buhannya ne lalu bamasak, marga uyuh, tapaksa bamasak mie haja.

Sambil barabahan, buhannya ne bakisahan sampai taguringan. Tangah malam kira-kira jam 2, Wanbuy ne mandadak sakit parut, lalu kaluar bukah manuju puhun ganal. Lalu batungging, mahajan banda nang maulah sakit parut tadi. Pukul 2 liwat 3 manit, si Su Ijak sakit parut juwa. Lalu bukah ka puhun itu juwa. Marga dipasani di kampung supaya batatabi dahulu sabalum bakamih atawa bahira, lalu Su Ijak ne malurut salawar sambil batatbi, “Assalamualaikum, Ui datu-datu nang manggana’i puhun naya, ulun umpat bakamih wan bahira. Ulun kada malihat pian, mun kawa baugah dahulu!”

Sakalinya Wanbuy nang sudah tadahulu ada di subalah puhun takurihing, sambil baucap, “Kada bulih, anak cucuku lagi guringan pas di bawah lingkang ikam!”

Takajut Su Ijak, langsung ampih sakit parut, lalu bukah ka kim, kada ingat mamuruk salawar lagi. Baguyangan biskim, gara-gara Su Ijak manggatar. Isuknya Su Ijak bakisah wan kakawanannya, langsung mangalakak Wanbuy tatawa. “Rasakan ikam!” Jar Wanbuy.

Iklan

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s