PASAN ISTAPIT


PASAN ISTAPIT (Serial Utuh Ujai)

Oleh: Ampeak, Kalua
Pas masukan sakolah Utuh Adun anaknya Julak Adum pina murung muha kada sama biasa. Lalu Si Enor anaknya Utuh Runi managur, “Kanapa ikam Dun pina murung banar muha?”

Utuh Ujai anaknya Utuh Hirman umpat bapandir, “Heeh kalas banar muha ne, apa jua nang dipikirakan?”

Utuh Adun kada sing suaraan, kada hakun bapandir. Singkat kisah singkat tali salawar, pas esok di sakolahan murung pulang muha Utuh Adun. Lalu Utuh Ujai baparak, “Tuh kanapa ikam? Mun ada masalah bapadah, kalo ae kawa kawan mambantu?”

Lalu ahirnya Utuh Adun bapandir, “Mama ulun mulai sumalam sudah di rumah bersalin. Mama handak oprasi, jar abah baranak.”

“Hah!” Jar Utuh Ujai takajut, “Ikam capati ka rumah sakit, padahi abah kam Julak Adum!”

“Apa nang dipadahi?” Jar Utuh Adun takajut.

“Sini kubisiki!” Jar Utuh Ujai. Lalu Utuh Ujai babisik lawan Utuh Adun, “Capati ikam ka rumah sakit..lajui!”

Lalu Utuh Adun bukah kada ma ingat diri lagi ka rumah sakit. Pas sampai di rumah sakit, Utuh Adun kuciak-kuciak, “Bah! Bah!” Jar Utuh mahiyau Julak Adum. Buhan dokter pina bingung malihat Utuh Adun kuciak-kuciak sambil bukah. “Bah! Bah! Capati pian padahi dokter, mun habis ma oprasi mama, mun manjahit jangan jahit habis, tinggal sadikit gasan pian bah ae!”

Mandarau buhan dokter tatawaan mandangar Utuh Adun bapandir.

Note: Sakalinya Utuh Adun manyampaikan pasan Utuh Ujai. Wakakakak………

Iklan

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s