AWAL MULA UTUH UJAI ADA DI DUNIA (wajib dibaca)


AWAL MULA UTUH UJAI ADA DI DUNIA (wajib dibaca)
(Serial Utuh Ujai)
Oleh: Pambakal Jingah Rabit

Rahatan raramiannya prugram KB pada jaman Datu Suhartu jadi parisidin, di kampung Jingah Rabit diadakan karasmin film layar tancap. Jadi jaman nintu, bila handak pambaritahuan wan masarakat, pamarintah maadakan hiburan, imbahtu hanyar diadakan panyuluhan. Kabatulan juwa waktu itu parasmian Polindes Jingah Rabit ulih bapak camat. Bangaran kampungnya takadalam, jadi buhan kampung ne urangnya masih udik-udik, banyak nang kada tapi tahu wan banda-banda urang kuta.

Imbah karasmin ampihan, lalu pambakal maumumkan pacangan ada panyuluhan ulih Mantri Aspan nang cadangan diandak di polindes. Rame ae masyarakat ne baparak handak malihat, nangapa pacangan dipadahakan. Sakalinya panyuluhan KB, napang masyarakat Jingah Rabit ne nang kaya mahluk gaib ja lagi, babanyak tarus, ulah tarus anak, sampai ada nang baanak 14 ikung, kawa jadi kasablasan main bal, dua ha pulang cadangannya. Balalu Mantri Aspan ne manjalasakan cara mamakai kundum gasan lalakian.

“Kundum naya panamuan paling hanyar nang kawa supaya tatap bakikukan tatapi bibiniannya kada mau batianan,” jar Mantri Aspan sambil manating kundumnya.

Baampikan warga kaaraian sambil bahulut-hulutan. “Kayapa cara mamakainya, Mantri?” Jar Utuh Hirman manakuni.

“Nah, kaini makainya!” (Sambil mancuntuhkan mamasang ka ibu jari sabagai alat paraganya).

Sabulan imbahnya, datang Utuh Hirman ne bamamai lawan Mantri Aspan. “Pian badusta kah Mantri, purun banar pian, jar kada pacang batianan, ne biniku kanapa maka ngidam?”

“Jah, kada mungkin nintu, kacuali kundumnya pacah atawa balubang,” jar Mantri Aspan.

“Sudah kupariksa nang kaya jar pian sumalam, kadada tumbus atawa balubang,” jar Utuh Hirman.

“Asa kada parcaya diaku, kayapa garang ikam mamasangnya?”

Langsungai Utuh Hirman mancuntuhakan mamasang di ibu jari tangan. Langsung mangalakak Mantri Aspan tatawa, “Mudai ae batianan mun ikam mamasangnya di situ. Jarku sumalam itu cuntuhnya haja, mamasangnya di BURUNG pian?”

Isuknya datang pulang Utuh Hirman sambil bamamai, “Kayapa garang kahandak ikam Mantri, malam tadi imbah kupasang ka BURUNG Dara gaduhanku, langsung mati burungnya! Pian wajib mangganti burung ulun,” jar Utuh Hirman.

“Akayah ae, jarku ka burung pian nintu,” jar Mantri Aspan Aspan sambil manunjuk.

Note: Gara-gara tahilap nintu, maka lahir ae si Utuh Ujai nang dikisahakan salawas ne. Lawan juwa, misi tukuh Utuh Ujai ne adalah tukuh nang pintar, cangkal, tapi urangnya patuh mahalabio wan macal. Sekian dari pambakal gasan partanyaan nang manakuni awal mula Utuh Ujai wan karakteristik Utuh Ujai. Samuga puas!

Iklan

One thought on “AWAL MULA UTUH UJAI ADA DI DUNIA (wajib dibaca)

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s