BATIS 1000


BATIS 1000
Oleh: Pambakal Jingah Rabit

Ini ti kisah binatang nang bakawan parak wan rakat banar. Kukura, Lalak, wan Halilipan. Hari itu kukura maundang kawannya nang badua ne, ada salamatan sadikit jar di rumah kukura. Imbah rame bapandiran, bamamakan, minum wan lain-lain, si lalak baucap, “Eh buhannya. Tagasnya ada nang kurang lih? Mulai tadi kita kada baruku, pantas masam banar tukil.”

“He eh, maap lah, aku kada ingat manukarakan. Mun kaitu, Lak ikam tukar ka warung warik di hujung gang!” Ujar kukura sambil manyuruh lalak.

“Jah, napa maka aku, ikam tuan rumahnya luku kukura ae,” jar lalak.

“Bujur pang aku tuan rumah, buhan kam tahu haja luku, jalanku palambatnya. Mun ikam Lak, pasti capat sadikit, ikam harat maluncat!” Jar kukura.

“Ah, kada kaitu pang, mun soal capat, nyata halilipan pancapatnya, inya baisi batis saribu,” jar lalak bailing supaya kada kana tugas.

“Bujur jar kam Lak ae,” ujar kukura.

Ahirnya halilipan kada kawa mangaras, tapaksaai manukar ruku ka warung. Lalak wan kukura manunggui di rumah. 10 manit mahadang balum datang juwa, satangah jam balum datang juwa, sampai sa jam baluman datang juwa halilipan ne manukar ruku.

“Jah, napa habar ipan ne, maka lawas banar kada datang, kada tahan lagi nah muntung,” jar lalak gagarunum.

“He eh, aku baganangan nah, kita tuntii haja, kalu ada napa-napa di jalan!” Jar kukura mambawa’i lalak.

Langsung buhannya tulakan handak manuntii halilipan ne. Imbah mambuka lawang, sakalinya masih ada halilipan di hadapan rumah.

“Nah, ni ya urangnya, kanapa lawas banar?” Jar lalak manakuni.

“Jah, tulak haja gin balum aku,” jar halilipan.

“Jadi maapa ikam tadi?” Jar kukura.

“Jah, ikam kada malihatkah aku lagi muruk sapatu. Batisku saribu buting, 3 jam gin kada tuntung mun aku masang sapatu,” jar halilipan.

Akayah ae………

Iklan

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s