NASIHAT PARKAWINAN


NASIHAT PARKAWINAN
Oleh: Pambakal Jingah Rabit (Ne masih serial Utuh Ujai, cuma kisahnya sabalum Utuh Ujai lahir ka dunia)

Di kampung Jingah Rabit ada saikung urang nang handak kawin. Ngarannya Utuh Hirman, inya sudah lawas bakawan samuak saliur lawan Utuh Runi, Su Ijak, wan Pambakal saurang. Rancananya ahad kaina kawin, jadi sabalum kawin Utuh Hirman ne mambawai bubuhannya makanan di Bincau.

Imbah takumpulan, lalu Utuh ne batakun wan Utuh Runi, “Yu pang Run, napa kah sagan sangu kawan ne pakai barumah tangga?”

“Ai, jangan wan aku, aku saikung juwa bini, tu batakun wan Su Ijak, sidin sudah 3 kali manyarak urang,” jar Utuh Runi.

“Tahu haja luku,” jar Utuh Ijak, “aku talu kali dah hancur kaluarga, jadi jangan wan aku batakun, tu wan pambakal, lihati inya sudah salawi tahun babini, kadada masalah luku?” Jar Su Ijak sambil manunjuk ka pambakal.

Kasadakan pambakal nang rahatan minum imbah disuruh Su Ijak. “Jah, napa wan aku? Nang lain haja.”

“Ayuha pambakal ae, siapa pang lagi nang patut mamadahi mun kada pian?” Jar bubuhannya.

Ahirnya badiam satumat pamabakal lalu baucapai, “Talu buting fungsi lalakian tu hagan bininya.”

Langsung sunyi buhannya, Utuh Hirman malikit ka ruku, Utuh Runi mamacul ka tupi, si Su Ijak mambaiki silaan supaya nahap mandangari kisah pambakal ne.

“Talu macam tadi salalu mangisi kahidupan kita barumah tangga. Talu macam ini nang panambayan manjadi SANDARAN HIDUP, nang kadua PANDANGAN HIDUP, wan nang tarahir PAGANGAN HIDUP. Makin batuha umur, makin babida fungsinya,” jar pambakal pina sarius.

Unggut-ungut nang batalu ne mandangarakan sambil mamikirakan.

“Maksudnya kayapa pambakal sandaran hidup tu?” Jar Utuh Runi manakuni.

“Mun hanyar kawin nintu ngarannya sandaran hidup, artinya hanyar haja binimu basandar ampunmu langsung hidup,” jar pambakal.

“Nang pandangan hidup pang?” jar Utuh Runi manakuni.

“Pandangan hidup ne, pangantin nang kada lawas, hanyar satahun dua tahun kawinnya. Artinya hanyar dipandang dikurihingi bini, hanyar ampunmu hidup.”

“He eh pambakalae, mun nang pagangan hidup pang?” Jar Su Ijak manakuni juwa.

“He he he, ne nang kaya aku, lawas dah kawinnya. Artinya mun kada dipagang (dijapai) hanyar mau hidup. Lain kaya ikam Jak ae, sandaran hidup tarus, makanya talu bini sudah.”

“Ha ha ha ha,” jar buhannya.

Iklan

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s