Hingga Kada Mau Kalah


KADA MAU KALAH
Oleh: Ampeak Sie Kaminting Pidakan, Kalua

Pas istirahat sakolah bubuhan Utuh Ujai, Utuh Zaki, Utuh Adut, lawan Utuh Roni bapandiran. Ujar Utuh Zaki, “Abahku dahulu nang bangaran Julak Ikaz sakti babanaran. Sidin tulak ka hutan tatamu harimau ganal, langsung tatangkap sidin. Dibunuh sidin.”

Lalu Utuh Adut bapandir, “Beh, abahku nang paling sakti. Takuni tahu haja urang sakampungan, kada ada nang kada tahu lawan Julak Adum. Sidin tulak ka laut batamu lawan buhaya ganal, sidin bunuh buhayanya.”

Lalu Utuh Roni bapandir, “Abahku nang paling harat nang bangaran Julak Usai, dahulu kada panakutan batamu lawan tadung ganal di hutan, sidin bakalahi, dibunuh sidin tadung tadi.”

“Abah ikam pang napa Tuh kaharatannya?” Ujur buhannya tapaimbai.

“Mun buhan abah ikam tu masih kalah jagau, kalah wani lawan abahku nang bangaran Utuh Hirman. Sidin tulak ka hutan batamu lawan nang mambunuh tadung, sidin bakalahi, sampai mati nang mambunuh tadung tadi. Batamu lawan nang mambunuh harimau bakalahi jua, sampai mati urang nang mambunuh harimau tadi. Tulak ka laut batamu lawan nang mambunuh buhaya, sidin bakalahi jua sampai sidin nang manang,” ujar Utuh Ujai.

“Napa buktinya tuh?” Ujar Utuh Adut.

“Neh, dompet ku ngini ya kulit harimau nang dibunuh Julak Ikaz. Panding ku ngini ya kulit tadung, nang abah ambil dari Julak Adum. Nah, sapatu ngini ya kulit buhaya nang diambil matan Julak Usai.”

Langsung batiga tadi bajauhan marasa kalah. Dasar jua si Ujai kd mau kalah.

Chakakk

Iklan

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s