NANG PALING HIRANG (Serial Utuh Ujai)


NANG PALING HIRANG (Serial Utuh Ujai)
Oleh: Pambakal Jingah Rabit

Waktu istirahat partama, rami kakanakan bukahan. Tamasuk Utuh Ujai anak Utuh Hirman. Inya bukah juwa ka warung Julak Adum di higa sakulahan SD Sambang Lihum III. Imbah sampai di warung, kabalujuran hibak sudah, tapaksa duduk di babangkuan di bawah puhun jingah. Nang duduk di bawah puhun tu ada juwa si Utuh Runi wan Utuh Zaki.

Sambil mahadangi mie sakura nang dipasan tadi, buhannya batalu ne bakisahan mambandingakan nang ada hirangnya di abahnya masing-masing.

“Abahku sumalam lagi manguyak asam, pas kana tangan parangnya, imbah tu kaluar darah, hirang darahnya,” jar Utuh Runi mangisahakan.

“Nah, mun abahku, suah sidin mambaiki parabola, pas tagugur sampai pukah tulangnya, sakali dilihati hirang tulang sidin,” jar Utuh Zaki kada handak kalah juwa.

Badiam satumat Utuh Ujai anak Utuh Hirman ne, “Ha ha ha, nintu tu balum apaannya wan abahku. Malam tadi kami lagi nuntun TV di rumah, bakajut abah ne bakantut, langsung kadap rumah.”

“Ha ha ha ha ha ha,” jar Utuh Runi wan Utuh Zaki tatawaan.

Datang Julak Adum maantar mie sakura nang masih barandam banyu panas. “Napa raminya tatawaan?” Imbah dikisahakan kakanakan, mangalakak Julak Adum tatawa. “Kada usah gin aku umpat bapandir, mun dipadahkan pada malam tadi mati lampu, kina ampih buhannya arai,” jar Julak Adum dalam hati.

Note: (Ne masa Utuh Ujai lagi halus nang bahagia, hadangi kam ganalnya kena)

Iklan

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s