CAPAL TAKAMUHA


CAPAL TAKAMUHA
Oleh: Rizani Sang Pujangga Amuntai

Nangkaya kisah tadahulu, Utuh Ujai ne dasar macal wan mambari muar, tapi pintar urangnya. Rahatan dudukan di dapur imbah makan, Julak Hirman betakun wan anaknya si Utuh Ujai, “Nak, mama ikam satumat lagi handak malahirakan ading ikam, bulan nih. Tangguhi barapa barat timbangan wan tanggal barapa ading ikam lahir?”

Bapikir ae lawas si Utuh Ujai ne, si Julak Hirman tatap haja muha kurihing-kurihing. Imbah nintu manyahut Utuh Ujai, “Barat ading 3 kilo, lahir tanggal 23.”

“Haw, maka napa jadi dintu?” Jar Julak Hirman kabingungan, ‘kisahakan pang lawan abah, Tuh!”

“Jadi naya kisahnya…,” jar Utuh Ujai sambil mahitung. “Barat awak abah 70 kilu dikurangi umur abah 40 wan uma 21 jadi 9.

“Hadang dahulu,” jar Julak Hirman bingung, “kanapa jadi 9 dikurang 6, di mana ikam dapat rumus 6 tu?”

“Oooo…nintu kah bah, 6 toh bah ae dapat dari ampunnya 2 (red: abah umanya) di kali batiga, nang partama handak pacang manyusu, nang badua suah manyusu, hiya luku bah?”

Manyangit Julak Hirman ne dalam hati, imbah tu batakun pulang sambil panasaran, “Lalu ading ikam nang tanggal 23 lahir dapat dari mana rumusnya?”

Ujar si Utuh Ujai, “Gampang banar tuh bah ae, rumusnya 3 x 23 = 69, artinya ulun 3 kali sudah mahintip di kamar abah. Abah wan mama gaya nangkaya numur 69. Jadi, kada jauh kada wan tanggal 23 tuh lahir ading.”

Rupanya Julak Hirman mulai tadi sudah manyiapakan sandal capal di tangan, “Sini kam kakanak neh, rupanya ikam lih nang babunyi di halat kamar malam tu.”

Tapau sandal capal takamuha Utuh Ujai. Imbahtu bukah Utuh ne sambil disasah Julak Hirman. Sambil bukah, gagarunum Utuh Hirman liwar sangit lawan Utuh Ujai. “Dasar kakanak kada tahu dibasa,” jar Julak.

Iklan

2 thoughts on “CAPAL TAKAMUHA

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s