NAIK HAJI


NAIK HAJI
Oleh: Ampeak Hermansyah, Kalua

Di kampung Bubuhan Jingah Rabit, hidup manusia nang mucil, raja pandir, kisah pina panyugihnya, kada mau kalah toe pang, tapi sosial banar orangnya. Ngarannya Julak Adum. Alkisah, pas bulan haji Utuh Hirman datang di Makkah, rami orang bailang ka rumah. Ada nang dibarii sajadah, tasbih, banyu zam-zam, pacar makah, wan kurma. Pukuknya macam-macam ae bawaan Utuh Hirman.

Rasa pina banyak urang ba ilang, Julak Adum bapikir, “Ka Makah jua aku bulan ini.” Lalu Julak Adum baparagah handak tulak umrah ka Makkah. Percaya haja urang sakampungan karna Julak Adum ada baisi kabun gatah. Nah, malam sabalum tulak Julak Adum basalamatan di rumah supaya salamat di jalan. Singkat kisah singkat tali salawar, sudah 20 hari Julak Adum tulak. Kaluarganya ada manyambat, “Julak Adum esok datang. Ada sidin manalipun,” jar kaluarga Julak Adum.

Isuk harinya rami urang bakumpulan di rumah Julak Adum, mahadangi sidin datang. Kada lawas ada mobil coal singgah di muka rumah. Lalu Julak Adum turun. Mamutih ae pakaian. Singkat kisah rame di rumah urang bapandiran, rame batakun lawan Julak Adum.

Ujar Julak Runi, “Kayapa di Makkah, panas lah?”

lalu julak adum manyahut, “Uma ae panas bangat, rasa hangit awak.”

Lalu ada pulang nang batakun, “Kayapa unta, banyak lah di Arab?”

“He eh banyak,” jar Julak Adum manyahut.

Lalu ada pulang nang batakun, “Kurma toe nang kayapa pang Julak hidupnya?”

Lalu Julak Adum manyahut, “Kurma toe hidupnya kalayapan nangkaya kangkung.”

Ranai urang sarumahan. “Nah,” jar urang garunuman, “dibung**i si Adum kita. Kada ka Makkah si Adum, kamanakah si Adum bajalan. Gaya haja ka Makkah.”

Wakakak…….

Iklan

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s