KANTUT AJAIB


Kantut Ajaib

Oleh: Roni Race Batola

Malam netu Utuh Babab, Utuh Laduman wan Kai Bubur giliran jaga malam. Sajam sakali nang batiga ngini runda kaliling kampung. Rahatan santai di pos, lalu Kai Bubur bapandir, “Supaya kita kad ngantukan kaya apa mun kita bahaharatan maniup lampu, tapi maniupnya lawan kantut, siapa nang kawa mamajahi, ngitu pamanangnya?”

“Ayuha,” jar Utuh Babab wan Utuh Laduman tapaumbai.

“DAGUMMM,” jar bunyi kantut Utuh Babab nangkaya ban satum pacah, tapi kada pajah lampunya. Kada tapi lawas mandagum pulang nangkaya patir kantut Utuh Laduman, tapi tatap kada pajah jua lampunya.

“Bahujung urang bangunan sakampungan mandangar kantut buhan kam tapi lampunya tatap banyala,” jar Kai Bubur mahapaki.

Pas giliran Kai, “Prusszzt….,” jar bunyinya tapi langsung pajah lampunya.

“Dasar ajaib kantut pian kai ae, kada tapi kadangaran bunyi tapi lampunya langsung pajah,” jar Utuh Babab.

Liwar takajutnya Utuh Babab wan Utuh Laduman, pas rahatan disintari sumbu lampunya gen hilang.

“Pantas aja pajah wan hilang sumbunya, mun parak sarantang kaluaran manutupi lampunya,” ujar Utuh Babab.

“Ngini kai ae lain kantut tapi datunya kantut!” Jar Utuh Laduman sambil tatawa.

Iklan

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s