KADA NYAMBUNG


KADA NYAMBUNG
Oleh: Adum M. Sahriadi, Kelua

Imbah dua tahun kawin, Utuh Hirman wan Acil Enor ne himung banar. Tadi dikisahkan ulih duktur bahwa si Acil Enor ne rihatan batianan anum. Umur bayinya hanyar 4 minggu jar. Tapi Acil Enor ne bapadah wan lakinya, “Bah, jangan pina dipandirkan, aku takutan gagal kaya dahulu halam, hanyar sabulan batianannya, sudah kaguguran. Mun kawa jangan sampai nang lain tahu an!”

“Inggih ding ae, tanang haja situ, kada pacang ada nang tahu juwa, kacuali parut pian sudah ganal,” jar Utuh Hirman.

Lagi rami-raminya bapanderan, datang argawai PLN ka rumah manjulung tagihan listrik wan danda bakas kada bayar 1 bulan.

“Nyonya terlambat 1 bulan,” jar argawai PLN mambuka pandir imbah disuruh duduk.

Marigap Acil Enor, parasaan kada suah bapadah wan siapa-siapa pada lagi batianan sabulan. “Di mana pian tahu? Bah, nih pandiri buhan PLN ne!”

Imbah basalaman, Acil Enor ne mambisiki ka talinga Utuh. “Jah, dimapa maka pian tahu pada talambat sabulan?”

“Maap Pak, semua tercatat di kantor kami,” jar argawai PLN ne.

“Nah, maka sampai takakantur ha pulang nang tahu, mun kaitu isuk aku ka kantur pian mambiriskan samuanya,” jar Utuh Hirman pina sangkal.

== Isuknya di kantur PLN ==

“Maap Pak, kayapa maka buhan PLN ne tahu rahasia kaluarga ulun?’

“Ya tahu dong, lha wong ada catatannya pada kami!” Jar tukang jaga kasir.

“Nah am, jadi kayapa ne supaya barita kaluarga kami jangan sampai katahuan urang?” Jar Utuh Hirman.

“Ya mesti bayar dong Pak!” Jar argawai kasir tadi.

Tanganga Utuh Hirman ne (bung**nya dibajaknya aku), “Mun ulun kada hakun bayar kayapa?”

“Ya punya Bapak terpaksa kami putus…,” jar argawai tadi.

“Mati akuu, labar am! Jah mun ditatak, kayapa biniku?” Jar Utuh Hirman.

“Kan masih bisa pakai lilin!!!!”

Utuh Hirman: “!@#!@$!$!@??????????!#!@#!@#!@#?????????????? ?”

Iklan

4 thoughts on “KADA NYAMBUNG

  1. ulun handak menyambungakan lah, mun lucu syukur mun kada lucu senyum sadikit barang,mahimungi dangsanak…

    jadi jar utuh herman takajut,uma pian ne,kayapa bini ulun disuruh pakai lilin,kasian inya,

    ujar argawai” itu masih mending pak,nyaman dulu kita masih pakai obor”

    uma ganasnya malah manyakiti lalu mun pakai itu…

    argawai mulai sarik…,” Jadi gimana pak, mau bayar gak? atau kami putus.,

    aku kadada duit,putus2 ha situ,q ada ja bilungka di balakang rumah….

    tamat ja gen dah…

    mohon mangap klo kada nyaman dibaca tulisannya,maklum tulisan ulun kada baik, salam kenal kakawalan barataan,mudahan di blog ini kita bisa mnjaga kelestarian budaya kita,utamanya bahasa banjar, yang manurut ulun sudah banyak pudar, bahasa gen ada nang macam2 dah, bahasa alay, bahasa gaul,tapi asal jangan menggauli ja…,jangan supan babahasa banjar, jangan parnah meanggap bahasa banjar itu nangkaya bahasa kampung.,sabujurnya ulun ni Pejabat, tapi kada aasaan bapandir nangkaya ini,,soalnya ulun ni Pejabat (Pengangguran Janggut Labat) palsu,haha….

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s