UTUH HIRMAN BULIK KAMPUNG


UTUH HIRMAN BULIK KAMPUNG

Utuh Hirman ne kuliah di Unlam Banjarmasin, urangnya pina wala. Rahatan handak hari raya bulan haji, rami buhannya mudik bulik kampung handak bahari raya di banua. Tamasuk juwa Utuh Hirman ne, habut mancari taksi jurusan Jambu Burung, hibak tarus. Paksa ae umpat taksi Gambut dahulu. Hari itu sudah malam kira-kira jam 8 an.

“Bisa habis ne taksi ka Jambu Burung,” jar Utuh Hirman manggarunum saurangan.

“Pian bulik ka Jambu Burung kah?” Jar nini tuha di hadapan.

“Inggih ni ae,” jar Utuh.

“Kira-kira samunyaan luku nang di dalam taksi ne ka Kurau atawa ka Jambu Burung?” Jar nini tuha tadi manakuni barataan nang ada di dalam taksi.

“He eh,” jar buhannya tapaimbai.

“Pir, hakunlah maantar kami ka Kurau wan Jambu Burung?” Jar nini tadi manakuni supir.

“Akur haja ni ae, asal bayarannya kada balain lawan taksi nang ka situ, wan juwa dasar habis dah taksi ka situ mun sudah malam ne, tapi aku wani maantar sampai Kurau ja!” Jar supir.

Ahirnya samuanya akur supaya taksi ne langsung ka Kurau. Hanyar sadar Utuh Hirman ne, inya duduk bahadap-hadapan wan 4 panumpang lainnya. Di higanya bibinian bungas langkar (mahasiswi juwa), subarangannya nini tuha tadi, nang di higa nini tadi tantara. Pamulaannya, waras haja jalan mutur ne, sudah arah ka Kurau kabatulan waktu nintu jalan masih rusak-rusak, jadi taambung-ambung jalannya mutur ne tarumpak aspal nang balubang. Jalanan kadap, kada lampu lagi. Di dalam taksi banjala lampu kira 3 watt, jadi kada tapi nyarak. Pas ada lilibakan nang tadalam, taambung mutur ne, pajah langsung lampu di dalamnya. Kada lawas tadangar bunyi ricup ricup kaya urang mangucup haliling.
“Cap! Cip! Cup! Ahhh.”

Imbahnya kada lawas tadangar suara tamparan lapuk lapuk, nyaring ha bunyinya.

“Plak! Plek! Plak!”

Kada lawas, taambung pulang mutur ne, langsung banjala pulang lampunya.

Baampat panumpang tadi bingung wan saling kilar, samuaannya bapandir dalam hati.

“Dasar juwa mahasiswa ne, kada kawa lampu pajah, mantang-mantang anum, baciuman haja gawian. Rasakan tu tampilingan tantara, ” jar Nini tuha.

“Ha ha, rasakan ikam, babarang cium, dapatnya ciuman nini tuha kana tampiling ha pulang,” jar mahasisiwi nang bongas tadi.

“Bung**nya mahasiswa ne, inya nyaman baciuman, aku nang kana tampilingan,” jar tantara nang pina habang muha bakas kana lempang.

“He he…,” jar Utuh Hirman, “tampulu kadap, kucium tanganku saurang, imbah tu katampiling tantara. Kabila lagi kawa manampiling tantara, kasampatan amas ne,” jar Utuh Hirman dalam hati sambil batunduk mambuang bakas.

Iklan

4 thoughts on “UTUH HIRMAN BULIK KAMPUNG

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s