SARANG SAMUT


SARANG SAMUT

Oleh: TumanggungArga Sandipa BatanggaAmas

(Admin FB: BUBUHAN KULAAN URANG ALAI BORNEO)

UBAT-UBATAN TRADISIONAL BUBUHAN URANG BORNEO (SARANG SAMUT)

Sarang samut baisi ngaran ilmiahnya myrmecodia pendans . Tumbuhan naya dasar bubujuran sarang samut lantaran di dalamnya nintu ada nang ngarannya labirin nang dijadikan bubuhan samut liang hagan baraktivitas. Kada kita sangka kalunya sarangnya nintu kawa hagan ubat macam-macam panyakit tamasuk panyakit nang ganas.
Sarang samut naya diulah urang hagan campuran bubur wan ada jua nang diminum hagan maningkatakan imunitas awak. Salain nintu, banyak jua nang mangguna’akan hagan ubat panyakit dalam. Apuah alami nang ada di sarang samut nintu ada kandungan zat-zat aktif nang kaya antioksidan, polifenol, wan glikosida. Talu buah zat naya mambantu bangat ka awak kita hagan manguntrul macam-macam panyakit maut. Salah sabutingnya imuno stimulan hagan manambah kakabalan awak.
Sacara teknis zat imuno stimulan nintu mambantu wan malindungi sel-sel awak kita supaya kawa lancar baraktivitas. Munnya sel nintu barfungsi baik, lalu panyakit gangguan sel kawa di cagah atawa diubati. Panyakit gangguan sel nang paling rrancak ada di awak kita naya yaitu KANKER.
Kandungan zat nang ada mimang didukung ulih aktivitas samut di dalamnya,lantaran banyak zat nang manguntungakan tatinggal di dalam tanaman nintu. Bubuhan samut saurang, antioksidan bafungsi manjadi zat panting hagan prusis pambantukan koloni, salain nintu bafungsi jua hagan benteng wadah manyimpan hintalu dari panyakit.
Khasiat sarang samut nintu ada kira-kira lantaran banyu liur samut nang barinteraksi wan tanaman wan babarapa mikroba lainnya.
Selain mancagah wan maubati panyakit ganas nang kaya kanker, sarang samut naya kawa jua hagan manambayi panyakit gangguan jantung, ambien (wasir), rematik, stroke, maag, gangguan fungsi ginjal wan prostat, malancarakan ASI, sakit kapala sabalah (migren), malancarakan darah, liver, mamulihakan gairah seksual, dsbnya. Ditambah pulang lantaran ada kandungan alami nang kawa manghambat enzim xantin oksidan nang kawa mamicu asam urat wan radikal bibas. Nang baisi panyakit diabitis, sarang samut kawa hagan tatambanya, lantaran kandungan zat nang dihasilakan samut kawa manetralisir kadar gula dalam darah. Kalunya dipikirakan, ini masuk akal lantaran gula makanan utama samut wan dipastiakan kandungan antibodi nang dimiliki tarhadap sanyawa gula langkap bangat. Jadi lawan gula sacara alami dengan zat yang dimiliki oleh semut tumatan sarangnya.
Nyaman haja caranya mauna’akan sarang samut hagan ubat. Tatak halui-halui sarang samut nang pina tuha nang ukurannya kukurang labih butul aqua nang 1,5 litar. Samakin ganal sarang samutnya samakin banyak jua bubuhan samut di dalamnya wan magin banyak jua zat nang bakasiat di dalamnya.
Imbah ditatak halui-halui, lalu dijamur sampai karing atawa dimasukakan ka dalam oven. Pas sudah karing hanyar dibuat ka banyu lalu dijarang kikira 15-20 manit hagan mangaluarakan kandungan zat di dalamnya. Imbah manggurak, banyunya nintu nang diminum tiap hari supaya labih bagus.

…Samuga Bamanfaat..

5 thoughts on “SARANG SAMUT

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s