Nini Alui


Nini Alui
Oleh: Chandra Kencana, Banjarmasin

Takesah kaluarga besar Nini Alui nang ketuju beacaraan tiap tahun baru di rumah Nini Alui. Saparanakan sapacucuan sampai sakataraan ratik kalambu takumplan di wadah paninian tiap malam tahun baru anak-anak minantu babinian. Nini Alui katuju banar mamasak sup hayam kampung. Pas takumpulan di dapur, anak Nini Alui marotetan, saking karamian merotet kada kaingatan lagi maharu sup nang sudah manggurak. Lalu Nini Alui bediri meharu akan sup satumat sambil tatawa kada kahinakan mendangar akan pandiran si Markonah mangisah akan carita ‘Marga Diguliming’ nang dikesah akan melalui group Bubuhan Jingah Rabit.

Imbah tuntung begawian di dapur, anak, menantu, pasukan ratik kalambu bakumpulan di teras rumah mahadang urang balikitan marcon. Tapi Nini Alui hilang dari peredaran, masih maharu-haru ka panci sup nang ganal, padahal supnya sudah masak. Kada lawas sudah jam 12 malam mulai ai balikitan marcon di muka rumah, kada tahu nang anum atawa nang tuha malihat marcon limbung ke atas baampikan sambil tanganga takujihing kada baampihan. Tapi Nini Alui tatap kada mangaluar rumah, sidin masih asik haja maharu ka panci sup manyurangan di dapur.

Imbah tuntung acara balikitan marcon masukanai anak, minantu, cucunya Nini Alui ka rumah, langsung masuk ka acara bamakanan sup hayam kampung. Paratan basasaji Nini Alui kadada jua basasuara, awak lawan muha sidin tapaluh lihir, sidin kauyuhan bakas maharu panci nang kaya tajau gasan maumpani anak cucu (maklum haja anak cucu Nini Alui satuyuk sakitar 50 urang, kaluarga bahari keluarga besar kada tapi tahu di KB lagi jadi aur memproduksi anak ha’).

Raranaian Nini Alui mamasang ke kacamata baistilah baduduk di tengah ruang urang makan, bepandir kada lagi, makan kada hakun lagi habis datang dari dapur tadi. Pas asik-asiknya makan tadangar suara cucu Nini Alui nang baumur 5 tahun, memandiri mamannya (anak Nini Alui), “Iwak apa ini ma kayas anai?”

Tapi umanya asik mehantup haja sambil bapandir tapi kada maitihi ka piring nang anak, “Tu hayam nak ai, wajar aja karas mun gigi pian ompong, dikucup-kucup ja gin nak ai!”

Mangucupai si nang anak ka iwak tadi, malihat cucu sing tuhukan mangucup, belakas Nini Alui mamaraki si cucu, sambil batutup muntung Nini Alui baucap ka wadah si cucu, “Sini nah cu, Nini mamakannnya!”

Pas diunjuk si cucu iwak karas nang disambat umanya hayam, langsung ae Nini Alui mamasukakan ka muntung kada batatagukan lagi. Imbah nitu langsung Nini Alui mangaut ka nasi. Langsung habis 2 piring. Bingungai si anak melihat Nini Alui makan sing gancangan. Usut punya usut Nini Alui baastilah duduk di tangah handak mancari siapa urang nang tak untung. Eee… sakalinya iwak hayam nang karas tadi gigi palsunya Nini Alui, melacung gara-gara tatawa banar sambil maharu panci sup.

Iklan

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s