MASIH HAJA


MASIH HAJA

Oleh: Ampeak Hermansyah, Kalua

Alkisah, di suatu kampung ada 3 orang nang mengalami gangguan jiwa, ngarannya Pirhan, Adum, wan Amang. Jadi nang ba 3 tadi dibawa ka Sambang Lihum (RS jiwa). Pas satahun kalihatan sudah pina waras jadi nang ba tiga tadi di tes ulih duktur.

“Amang,” jar dokter, “2+1 barapa?”
Lalu Amang bapikir mahitung, “7,” jar Amang pina bujur.

Kada lulus Amang, masih ae kada waras. Lalu giliran Pirhan, “Pirhan, 2+1 barapa?” Ujar duktur.

“99,” jar Pirhan manyahut langsung.

“Nah,” jar duktur dalam hati, “tinggal saikung ne pina waras. Kada lagi tapi takuriheng saorangan.” Lalu giliran Adum.

“Adum, 2+1 barapa?” Jar duktur.
“3,” jar adum manyahut.

Lalu Adum disuruh bulik. Pas lalu di muka pagar Sambang Lihum, Adum ditakuni satpam.

“Ikam handak ka mana?” Jar satpam.

“Bulik,” jarAdum manyahut.

“Sudah dibulih kan kah?” Ujar satpam.

“He eh, sudah,” jar Adum sambil tatawa.

“Kanapa ikam maka tatawa?” Jar satpam.

“Duktur nang ma tes aku tadi gigilaan!” Jar Adum.

“Haw, kanapa maka gigilaan?” Jar satpam bingung.

“Aku ditakuni tadi 2+1 barapa? Ku jawab 3, padahal nang bujur jawabannya 5,” ujar Adum.

“Nah ia am,” jar satpam, “mun kaeni dibulikakan ae pulang ka dalam.”

….Hohoho

Iklan

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s