PANGALAMAN JADI TANTARA


PANGALAMAN JADI TANTARA
Oleh: Adum Kalua

Parahatan Julak Adum ne masih jadi tantara angkatan darat, suah inya dikirim ka Irak umpat misi pardamaian PBB. Alkisah, inya ne patroli wan batiga kawannya nang mulai Amerika, Inggris, wan Japang. Sambil bajalan manjaga kaamanan, buhannya ne bakisahan pangalaman kawanian masing-masing.

Tantara Amirika bapander, “Aku suah di Vietnam, dikirim ka hutan malawan 300an tantara Vietkong, saparu mati kutimbaki, imbah kaluar hutan jari tunjukku haja nang bangkak kauyuhan mangatik pilatuk sinapang.”

Tantara Inggris bakisah, “Aku di Irlandia di tangkap buhannya, imbahtu disekap di markas IRA. Aku kawa lari sambil manimbaki 20 an urang tiruris. Sapatuku haja nang tatinggal.”

Imbah tu tantara Jepang bakesah, “Nah, mun aku suah dikapung buhan Yakuza. Buhannya tu mangulilingi aku sambil manating samurai. Labih 15 an urangnya. Aku pukuli ja lawan tangan kusung, imbah manang, sakalinya sabuting kancing bajuku ja nang hilang.”

“Ikam pang sanak?” Jar buhannya.

“Akayah, sakti-saktinya buhan kam. Aku hanyar ne suah dikirim urang.” (Sambil badiam kada bajalan, tapi kukurihing).

“Ohh, iyakah!” Jar buhannya pulang (Sambil bamandak).

“Mun buhanmu kaetu sakti-saktinya, aku handak mauji buhanmu ae!” Jar Julak Adum.

“Jah, napa nang handak!” Jar bubuhannya.

“Ne, aku ni jadi badiam kaeni, aku mulai tadi tajajak ranjau. Mun kuangkat, luku buhan kam ja nang kada tahan. Kayapa, angkatkah batisku?” Jar Julak Adum manakuni buhannya.

“Jangan gin julak ae,” jar bubuhannya. “Kasian, anakku badua di Jepang,” jar tantara Jepang.

“Ohhh, mun kaitu, baugahan buhanmu, kena tahambur paparutan.”
Langsungai nang batiga tadi bajauhan, luku kana ladakan ranjaunya. Sambil malihati mulai jauh, buhannya siap-siap handak maabadikan kisah ne lawan kamera.

Julak Adum ne imbah malihat buhannya bajauhan, bagagamat mangkat batis. DAGUMMMMMMMMMM. Takipai sidin ka atas, pas rahatan itu ada burung dara nang tarbang. Di tangkap sidin burung dara te. Imbah gugur, takurihing sidin sambil mangawai bubuhannya nang lagi tanganga malihat kajadian tu.

“Nah, kawa pulang lauk burung makan,” jar sidin sambil manjulung burung dara te kabuhannya nang masih tanganga. (Lalu manjatu topi tantara nang taumpat takipai tadi).

Iklan

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s