LANGKAP PANDARITAAN


LANGKAP PANDARITAAN
Oleh: Adum M. Sahriadi, Kalua

Si Ampak, Pirhan, wan Julak Adum ne bakawan rakat banar. Rahatan si Julak Adum wan Pirhan maunjun datang si Ampak nang kalihatan pina pusang kapala.

“Aku muar banar hari ne!” Jar Ampak datang-datang langsung bapander.

“Jah, napa habar sanak, kamalingan pulang kah rumahmu?” Jar Julak Adum.
“Kada pang,” jar Ampak.

“Jadi pang?” Jar Julak Adum sambil mambarii wadah duduk.

“Kaeni kisahnya sanak ae. Sumalam tu aku kenalan wan cewe di pasar. Urangnya lumayan pang, kawa haja dipalar lawan kada mambari supan mun dibawa padang kakawanan. Imbah kenalan, aku umpat bajalanan ka rumahnya. Sakalinya nakal juwa biniannya, langsung mambawai kikuk-kikuk. Pas rahatan aku macul baju, datang lakinya. Takajut aku, langsung maluncat ka lalungkang, bagantung di lalungkang lawan jariji haja!” Jar Ampak bakesah.

“Hannn, gawian maanui bini urang. Kasihan bangat kaetu, untung kada patah jariji imbah bagantung,” jar Pirhan.

“Nah ngintu masih kurang wal ae. Pas lakinya masuk malihat bininya udah babukaan baju, ‘Pas ne ikam sudah batilanjang, hadangi hulu aku handak bakamih’ jar nang laki. Ikam tahulah, sakalinya inya bakamih di lalungkang langsung kana kapalaku, untung aku kada takuriak,” Jar Ampak pulang.

“Gagilaannya, dasar jorok banar lakinya tu, mudai bini bacari pulang. Dasar liwar mambari kasihan kam Mpak ae! Pantas pina pusang banar kapala,” jar Adum pulang.

“Ha ha, langkap pandaritaan,” jar Pirhan sambil maumpani unjun.

“Sabajurnya kada ngintu nang maulah aku ne pina pusang banar,” jar Ampak.

“Jadi pang nangapa?” Jar Pirhan manyambungi.

“Tahulah, sakali aku malihati ka bawah, dasar bung**, sakalinya 10 sinti juwa batisku pada tanah!” Jar Ampak.

“Akay, rakai tanduk,” jar Pirhan wan Julak Adum tatawaan.

Iklan

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s