HIDUP BAPANCING


HIDUP BAPANCING
Oleh: Roni Race Batola

Siang nitu pina rami barucau takumpulan di warung Acil Aluh.

“Dar, kam tu bila bagawi sadang-sadang aja, kalu pina garing banarai,” ujar Kai Ibas mamadahi Busu Idar.

“Dar, kam tu bila bagawi saharian, bilang pul pulan, kaya apa malamnya, kawalah bakikukan?” Ujar Angah Imran batakun.

“Ulun ne bujur ja bila bagawi nang kaya rubut wan kada tahu burit kapala, tapi malamnya 2 sampai 3 kali tupang, napa mun sakali asa kada bapala mandinya. Maka dalam saminggu paling samalaman nang parainya,” ujar Busu Idar manyahuti sambil baagak.

“Bujur jua kah?” Ujar Julak Ijak karna rasa kada parcaya.

“Pian pian ne lah mun asa kada parcaya, takuni aja kena bini ulun,” ujar Busu Idar sambil mangaras.

Kada tapi lawas, datang bini Busu Idar ne ka warung jua.

“Nah, pas banar ne tampulu ada nang bini, ayu hancapi takuni!” Ujar Amang Itai.

“Ui bini Busu Idar, bujuran kah buhan kam tu bila bakikun 2 sampai 3 kali samalaman?” Ujar Kai Ibas batakun.

“Bujuran lah jua dalam saminggu tu samalaman ja nang parainya?” Ujar Julak Ijak manambahi tatakunan.

“Umailah? Kami dalam saminggu tu paling sakali ja bakikukan, itu gen batulayan mamancing, napang kada mau hidup bila kada bapancing,” ujar bini Busu Idar manjawab.

Mandarau tatawaan bubuhan kai, amang, julak, wan angah mandangar hidupnya bapancing.

“Mun kaya itu, pas banar wan masin kalutuk ampunku karna kada mau hidup bila kada dipancing,” ujar Kai Ibas sambil lucut tatawa.

Iklan

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s