Vulkanisir


Vulkanisir
Oleh: Bu Di Zld, Winjialing-China

Takisah si Galuh nang bungas langkar nang pina bujang sudah, cagar dikawinkan umanya bulan kaina. Tapi pas mandangar cagar dikawinkan, si Galuh nih bilang manangis tarus saban kali mandi. Malihat anak gadisnya manangis kayatu bingung ae nang uma nih.

“Uuuu Galuh napa tadi nang ikam ulah jadi manangis tarus, ikam kada handak kawin kah?” Jar nang Uma.

“Hiiiii….hiiii…hiiiii…., handak ae ma ae,” jar Galuh.

“Ai, napa tadi maka manangis, bakisah pang wan mama luh!” Jar nang Uma.

“Hiiiiii….hiiiiii…hiiiii…uhuk uhuk huk huk.., anu ma ae, lun kada baluang,,,huaaaaa,,,,,huaaaa,,,,(banyaring siGaluh manangis). Matan semalam lun manyarii kada dapat dapat ma ae,” jar Galuh sambil basisigan nangis.

“Akaiiiiii, kanapa bisa kayatu luh, kayapa kaina laki kam mun ikam kada baluang? Ayu ae, isuk kita ka duktur nah,” jar umanya Galuh.

Singkat kisah nang badua baranak tulakan ka duktur. Imbah mamariksa, si duktur gin bingung kada dapat mancarii luang si Galuh. Mandangar duktur kada dapat mancarii, bulikan ae buhannya. Pas di tangah jalan, ban kandaraan miris sakalinya, untung kada jauh wan tukang vulkanisir. Basinggah ae dulu buhannya nih, tapi si Galuh kada ampih-ampih manangis matan wadah duktur tuh. Malihat si Galuh langkar manangis, tukang vulakanisir lalu basuara manggayai.

“Uuuui langkar, napa maka ikam jadi manangis, dikibit uma ikam kah?” Jar Tukang Tambal.

“Bahapal ading nih, ba apa aku mangibit si Galuh nih,” jar umanya Galuh mambihau.

Pandir pandir, lalu takisah nang uma nih asal muasal kanapa jadi si Galuh manangis, sampai takisah luang nang dicari si Galuh. Mandangar masalah luang tadi, lalu ae mangalakak tatawa si tukang vulkanisir.

“Ha! ha! ha! Kayatu kah kisahnya?” Jar Tukang Tambal.

“Naaaah, kanapa maka ikam jadi tatawa ding?” Jar umanya Galuh.

“Asal pian tahu aja umanya Galuh ae, lun nih ahlinya mun masalah luang maluang, di mana haja andakannya, kayapa haja halusnya pasti dapat lun. (Bapiragah harat sidin).

Mandangar si tukang vulkanisir bapandir kayatu, mandam ae nang badua baranak tadi, sampai ampih manangis si Galuh. Dalam hati nang uma, “Cucubaan pang aku minta carikan wan ading nih luang si Galuh, kalupina mau dapat?”

“Mun kayatu cucubaan pang cariakan luang ampun si Galuh ni ding, napa duktur aja manyarah tadi mancariakan situ sini.

Manggatar langsung awak si tukang nih mandangar nang uma bapandir kayatu, rasa dapat intan kaya kapala inya.

Lalu ae inya basuara tukang, “Nah, kayapa yu lah, kadanya lun ini kada handak manulungi pang, tapi ayuja nah, tapaksa ae mun kayatu, kasian jua si Galuh.” (Bapiragah indah si tukang, padahal baharap banar).

Tapi bingung jua sekalinya si tukang nih, kayapa caranya mancarii luang si Galuh nih, sanunuhan mun bacari luang, katia luang di ban, nang ada nih lain ban nang dihadapi, tapi babanian langkar baikungan. Lawas jua bapikir si tukang nih sampai akhirnya inya dapat akal. Masuk ae si tukang nih ka dalam rumah manyiapakan baskom. Sakira sudah siap dikiaunya ae si Galuh wan umanya. Imbah sudah masuk, disuruhnya si Galuh mamacul salawar. Hakun ae nih si Galuh nang langkar tapi kada pintar tadi.

“Babuat kam Luh ka dalam baskom tuh!” Jar tukang.

“Inggih ka ae.” (sambil lihum kasusupanan).

Babuat ae si Galuh ni ka dalam baskom, kada sawat semenit baduduk, dapatnya ulih si tukang, luang si Galuh tadi. Napa sakali babaya si Galuh babuat, langsung kaluaran burinik matan luang si Galuh. Langsung am kadapatannya ulih tukang mancaluk. Harau tu, dasar raja akal si tukang vulkanisir tadi, di ulahnya nangkaya ban si Galuh nang langkar tuh. Singkat kisah, imbah buhan si Galuh bulik basuara si tukang tadi. “Amun kayane kisahnya, dua ikung ha sehari ada urang minta cariakan luang kaya si Galuh lagi, alahan pada bos batu bara tu pang jadi tukang vulkanisir nih. hampul kapala!”

Hahahahahahahahahhahahahaha………….

Iklan

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s