GABIN


Gabin

Oleh: Bu Di Zld, Wanjialing-China

Takisah Agung wan Sambang handak ka saruan pa Anang Ijul, tapi si Agung nih pina kokoleran. Napa biasanya amun basaruan ka sana makanannya apam tarus.

Agung             : Bang, kam tulak kah ka saruan pa Anang Ijul?

Sambang         : Hi ih tulak ae aku, napa ti Gung?

Agung             : Asa pina koler nah aku, napa bilang apam aja tarus nang dimakan amun wadah pa Anang ni, mangantuknya maka am iya kaina. Aku mehadang di subarang jalan aja lah Bang, kaina amun iwaknya hayam, hanyar kode’i aku wan tangan kam, sambil bakipik kaya hayam, hanyar aku masuk kina.

Sambang         : Bah dasar jua kam nih, ayuha Gung ae, kina ku kode’i ikam.

Kada sawat lawas tulak ae si Sambang ke rumah pa Anang Ijul, si Agung maka am hakun bakadap mahadang di subarang timbuk (karatak). Imbah urang pina mulai bedoa, si Agung langsung ae melihati Sambang di subarang napa bilang rasa habis darah si Agung nih imbah di iguti nyamuk mahadangi. Imbah urang basurung, si Sambang langsung mengode’i Agung sambil bakipik-kipik kaya burung.

“Nah! Pas banar am wan kahandak parut, ke subarang ha aku,” jar Agung. Imbah sampai ka subarang, imbah malihati makanan di piring, si Agung langsung manyumpah wan Sambang.

Agung             : Bah ikam ne mangaramputi aku Bang ae, pina musti mengode’i aku bakipik-kipik kaya hayam, ih sakalinya makanannya gabin cap halang (cap elang), bangat pada apam amun kaya ini kisahnya.

Sambang         : Hahahaha, hapuk liur (sambil bakipik-kipik kaya hayam makan gabin).

Iklan

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s