Tukang Pintul lawan Tukang Tahu


Tukang Pintul Lawan Tukang Tahu
Oleh: Madie d’Chubbiye, Banjarmasin

Ada suatu kisah, nang mangisahakan antara dua ikung anak manusia nang tinggal di hulu sungai, nang liwar bakawan akrabnya, tapi jua liwar basaing dalam usaha. Urang ngitu nang sikung di kiyau Amang Hani, si panjual pintul lawan Utuh Hirman, si panjual tahu.

Buhannya nih badua baisi rumah basubarangan jalan haja, lawan rumah nintu jua nang diulah gasan bajualan. Suatu hari, si Amang Hani nih liwar kapayuan, napa banyak banar kakanakan sakulahan nang singgah di warung manukari pintulnya, ujar buhan kakanakan, mamuasi muntung limbah tuntung ujian jar. Liwar payunya rasa mahiri kawan nang di subarang malihat, napang ampunya nang manukari neh bubuhan gurunya haja, gasan bemasakan di sakulahan jar.

Karana kada kawa manahan lagi limbah sunyi urangnya, manyubarang ae si Utuh Hirman mandatangi ka warung Amang Hani, sakalinya habis sudah pintul si Amang Hani. Balalu ai maipik jar urang tu si Utuh Hirman nih, “ Umai lah, banyak banar hujungnya pintul kawan neh”
ujar Amang Hani.

“Bah, asa kadada kawan nae, ampun kam tuh nang bahujung ” ujar Utuh Hirman.
“Umai kawanku nih, marandah pulang, nyata-nyata bahujung banar maka bapadah kada jar, mulai subarang ti aku malihat pina liwar raminya, kada bahujunglah nang kaitu?” Ujar Amang Hani.
“Nah bearti ikam salah am malihat asaku mun mulai subarang tih, mun aku nyata am malihat mulai sini nang bahujung ngitu ampun kam kawan ae.”

Marasa dikaramputi, manyangit pandiran nang si Utuh Hirman neh, “ Ikam nih handak mangaramputi aku kah mang, nyata banar ampun kam tu bahujung, bapadah kada, kita buktiakan nah!” Ujar Amang Hani.
“Ayu ha, kita buktiakan kalau ampunkam tu nang bahujung, ampunku nih kadada!” Manyangit ae jua si Amang Hani nih. “Ambil tahu jualan kam!” jar Amang Hani pulang.

“Haw, napa jadi aku disuruh meambil tahu ampunku?” Ujar Utuh Hirman.
Jar Amang Hani, “Ikam manyambat ampunku bahujung kalu? Nih na, dilihati bujur-bujur, adalah pintulku nih hujungnya, kam tu pangarasan banar, nyata-nyata tahu ampun kam tuh bahujung, ampat pulang hujungnya, bapadah kadada, nang pangaramput siapa ?”

Dalam hati Utuh Hirman, “Nah hikam, ini nih nang salah siapa.”

note:
Janganlah selalu membenarkan pemikiran sendiri dengan mengesampingkan pendapat orang lain, ya kalu dangsanak?

Iklan

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s