Hartaku Hartamu


Hartaku Hartamu
Oleh: Ampeak Hermansyah, Kalua

Takisah Julak Adum nang katuju banar lawan babinian, apalagi nang bungas langgkar sasak di lawang. Di kampung subalah ada babinian nang bangaran Aluh Kimut. Si Aluh ne urangnya bungas, langkar, mugkal sasak di lawang. Alkisah, si Adum ne mahandaki si Aluh Kimut.

Singkat kisah singkat tali salawar, si Adum ne batamuan lawan Aluh Kimut. Balalu si Adum marayu. “Ouuui ding! Aku ne sudah lawas pina dandaman lawan ikam. Kayapa am?”

“Ai, kaka Adum ne, katuju banar manggombali babinian” jar Aluh Kimut manyahuti.
“Kada inya manggumbal pang, ne bujuran dari hati nang paling dalam ding ae!” Jar Adum.
“Bisa garang pian buktikan kalau pian bujur-bujur handak lawan ulun!” Jar Aluh Kimut.
“Pukuknya hidup matiku gasan ikam, apa nang manjadi milikku milik ikam jua” jar Julak Adum ne pina maanduh-anduh.

Singkat kisah pulang, ahirnya buhannya badua ne batunangan, imbah kana rayuan Julak Adum nang badabu.

Pada suatu hari, si Adum handak tulak ka wadah kaluarga di Tambilahan babarapa hari. Pas si Adum bulik, takajut malihat rumah pina rame lawan urang banyak. “Napa habar neh, pina takumpulan di rumahku?”

“Nah” jar urang manyahuti, “Ini rumahku, ikam siapa?”
Takajut-kajut ae si Julak Adum ne. Kada lawas datang si Aluh Kimut. Balalu beucap lawan si Adum, “Rumah lawan tanah sudah ulun jual ka ae!”.

“Jah, kanapa maka ikam jual rumahku?” Jar Adum.
“Nah, jar pian kalo ‘apa nang manjadi milikku milik ikam jua’, jadi ne rumah ulun jua” jar Aluh Kimut.
“Nah am” jar Adum sambil taduduk, “Balum jadi bini, sudah wani bajujual harta laki!”

Note:
1.Jangan bahimat marayu urang
2.kalau bapander tu banganga dahulu sabalum baucap
3.ambil puntung ambil panai, imbah tuntung lalu ranai
4.wakakakakkak

Iklan

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s