KAHANDAKAN BABAHASA INGGRIS


KAHANDAKAN BABAHASA INGGRIS
OleH: M. Rizani, Amuntai

Tukuh:
1.Suri Juragan Ayam
2.Uluy anak Suri

Alkisah, Suri baisi ayam laki ngarannya SUMAT, lalu manyuruh Uluy mambari makani si SUMAT. Singkat kisah pulang, Uluy handak naik kalas 2 isimpi. Ujar urang mun kalas 2 isimpi tuh sudah bisa bapacaran wan babahasa gaul.

Lalu Uluy bapikir dalam hati, “Kayapa bahasa gaul tu lih?”
Kada lawas kisah, Uluy sakalinya baisi gibitan…..(kada usah dipadahi nagarannya). Tapi Uluy masih kada bisa babahasa gaul. Ujar Uluy dalam hati pulang, “Wayahapa aku bisa lih?”

Sambil malamun, datang Suri baparak.
“Apa ikam lamunakan Luy?” Ujar Suri managur anaknya.
“Bung**!” Ujar Uluy takajut.
“Nyawa nyambat aku kah?” Jar Suri manyarik.
“Kada Bah ae, lain pian, tapi ulun ne nah” jar Uluy.
“Napa garang ikam lamunakan Luy?”
“Ulun handak bisa balajar bahasa gaul nang kaya linggis tu nah Bah.”
“Dasar bung** ikam ne Nak ae, nang bujur Inggris lain linggis, amun linggis pada gasan mancungkil biji burung ikam nar ae” ujar Suri mamadahi anaknya lawan muha kisah tahu, “Kaina nak ae abah pinjami bukunya, bakas warisan ampun sakulahan.”

Lanjut kisah Uluy balajar bahasa Inggris.
“I am sorry, aku cinta kamu so much!” Ujar Uluy bakuciak. (Dibaca AYAM SURI SUMAT).
Mandangar Suri, “Bung** banar kakanak nginih” ujar Suri gagarunum. Masuk ae Suri dalam kamar Uluy, “Bung**nya ikam ne Luy! Maka napa ikam jadi handak lawan SUMAT, kadida kah bibinian di dunia inih jadi ikam handak lawan ayamku! Maka ikam tahu haja SUMAT tuh ayam laki” ujar Suri madahi Uluy pulang.

“Hantiya luku, kuwitan musti mamadahi anaknya, pian haja juwa kada tahu bahasa gaul, mun kaitu paraya dah ulun balajar bahasa Inggris.” Ujar Uluy kaciwa.

Iklan

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s