ULUN UMPAT


ULUN UMPAT

Oleh: Roni Race, Batola

Parahatan malam, “Mah, kita bakikukan yu!” Ujar Busu Idar mambawai nang bini sambil babisik. “Kena dulu, Upik balum guring luku, cuba pang dikiau sudah guring atau balum?” Ujar nang bini manyahuti.

Kabatulan Upik anak Busu Idar nang hanyar sakulah kalas 3 iSDi ngini haratan mangarjakan PR di dalam kalambu. “Pik, udah guring kah?” Ujar busu bakiau. “Balum bah ae!” Sahut Upik. Satumat-satumat bakiau pulang busu ngini tapi tatap balum jua sahut Upik. Imbah kalawasan mahadang timbul sangkal busu balalu mandatangi kakalambu Upik salajur mamulas talinganya. Manggaraung Upik manangis kada lawas taguring, tapi busu kada salira lagi imbah batangisan.

Paginya di sakulahan guru batakun. “Kanapa mata ikam bangkur, Pik?” Lalu Upik mangisahkan kajadian malam tadi. Ujar gurunya bapasan, “Pik, mun kena abah ikam bakiau jangan disahuti, pura-pura guring haja ikam!”

Malam kadua sama kajadian malam sumalam tapi Upik kada manyahuti lagi pas abahnya bakiau. Lalu busu mamajahi kalampu. Kerna bakadap, Upik liwar takutan tapi ingat pasan guru badiam haja.

Lalu bakikukan ae busu wan nang bini. Kada tapi lawas baucap nang bini, “Pah, aku handak kaluar.” “Mah, aku juwa.” Upik nang kada paham sahama-hama mandangar abah mamanya handak kaluar, maginnya takutan luar biasa, bahancap Upik bakuriak, “Ulun umpat!” Dikira Upik urang handak kaluaran pada rumah.

Iklan

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s