HUNDANG


HUNDANG

Oleh: Hasmi Yudhi

Julak Ijap nangini lawas banar sudah tulak marantau bagawi maninggalakan anak wan bini di banua. Mun satangah tahun kada kurang. Pas datang, umayah! Nang bini himung banar kada sakira malihat laki datang bapakaian pina necis putungan nang kaya bus haja lagi. Babaya masuk ka rumah, si Julak Ijap langsung maragap nang bini.

Hawww! Hadang abahnya, basabar dahulu satumat, mambari supan tuh dilihat anak ujar nang bini.

Limbah hitu Julak Ijap langsung mancabut dumpit, lalu mangaluarakan duit haraga saratus ribuan 2 lambar. “Uooo.. Galuh, ikam tulak ka pasar, tukar iwak nang paling nyaman. Ni duitnya, tasarah ikam haja handak nukar napa kah lagi! Ujar Julak Ijap lawan anaknya nang sudah ganal.

Limbah manarima duit, nang anak langsung ka balakang basiap-siap handak tulak ka pasar. Balum lagi nang anak tulak ka pasar, hilang sudah Julak Ijap lawan nang bini masuk ka dalam kamar. Bingung nang anak, kuitan kaduanya kada talihat lagi. Cucubaan didangarakannya matan tawing subalah kamar, nangapa digawi kuitannya, pina badadas masuk ka dalam kamar. Matan subalah tawing kadangaran Julak Ijap basuara.

Nang kaya apa umanya, ampunku?”

Umay, abahnya nih! Ulun rasa lungkung talapak batis ujar nang bini, “Ampun ulun pang abahnya, nang kaya apa jua?

Bah, umanya nih, harat banaaaarrr! Aku rasa karujutan sisingut” ujar Julak Ijap.

Singkat kisah, si Galuh datang sudah matan pasar manukar iwak wan sayur gasan manggangan. Langsung inya ka balakang manyiangi iwak nang ditukarnya di pasar tadi. Kabalujuran Julak Ijap malihat, lalu marawa anaknya, “Uoo…Galuh, iwak nangapa tadi nang ikam tukar?

Iwak hundang bah aijar si Galuh manyahuti.

Naah, Luh! Ikam tahulah mambidaakan nang mana hundang laki, nang mana hundang bini?” Ujar Julak Ijap pina pananahunya.

Cah! Abah nih, nang kaya ulun kada tahu ha, ulun ni ganal sudah bahai! Ujar si Galuh pulang manyahuti.

Ayu pang mun ikam tahu?”

Ni nah bah, bila dijapai sisingutnya pina karujutan, baarti hundang laki tu. Mun dijapai buntutnya pina lungkung, baarti itu hundang bini bahai.”

Mandangar sahutan anaknya, marigap langsung hati Julak Ijap, “Naaaah am, baarti si Galuh ngini mandangarakan rupanya ujar Julak Ijap dalam hati. Langsung julak ijap bajauh kada sing bunyian lagi.

Iklan

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s