BABUTIR


BABUTIR

Oleh: Hasmi Yudhi

Alkisah, ada saurang tukang warung nang balu bangaran Diyang Rabit. Urangnya bungas banar, awak sintal putih mampurak. Banyak banar urang nang handak maambil bini. Singkat kisah, ada boss nang badatang lawan si Diyang Rabit. Karena sudah lawas kada tagatuk, si Diyang Rabit akhirnya manarima lamaran si boss. maka bapangantinan lah 7 hari 7 malam acaranya. Tapi nang meulah kada habis pikir, limbah sabulan, basarakan si boss lawan si Diyang Rabit. Maka status balu pulang disandang oleh si Diyang Rabit.

Pandir-pandir, katahuan lah kanapa sabab maka basarakan. Sakalinya pakakas si boss halus, kada puas rupanya si Diyang Rabit nangini. Kada lawas mambalu, ada pulang saurang pamuda nang badatang. Didangar habar, si pamuda baisi pakakas ganal banar. Akhirnya kawin pulang si Diyang Rabit lawan pamuda nangitu. Sabulan…dua bulan… masih baik haja. Pas bulan katiga basarakan pulang! Napa pulang habar? Sakalinya walaupun ganal, tapi kada puas jua si Diyang Rabit nangini.

Bulan berikutnya ada pulang nang badatang. Urangnya kurus haja, wajah lumayan, tapi tatap ditarima ulih si Diyang Rabit. Imbah kawin, saminggu sudah ditukarakan si Diyang Rabit nangini sapida mutur. Sabulan, ditukarakan Diyang pulang mutur. Umay haratnya! Akhirnya ditakuni napa kalabihan si urang tadi maka si Diyang Rabit hakun nang kaya itu? Sakali ditampaiakan pakakasnya, ooooo banyak banar pakakasnya babutir. Makanya si Diyang Rabit katuju.

“Asa digaru-garu” jar Diyang Rabit sakalinya.

… hehehehe……

Iklan

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s