MALING HARUS MASUK KA PANJARA


MALING HARUS MASUK KA PANJARA
Oleh: Adum M. Sahriadi

Di lambaga pamasyarakatan (panjara: bui), ada dua urang nang hanyar kawin. Buhannya badua tu sama-sama bagawi di panjara dua tahunan. Nang bibinian ne urangnya masih ‘bau janar’ wan panyupan parkara ‘kikuk-kikuk’ nintu. Nang laki, balu, jadi ada beisian pangalaman parkara nang sabuting tu. Malam panambayan imbah kawin, nang laki ne mambujuki supaya nang bini hakun baituan, tapi nang bini ne supan. Ngalih banar nang laki maurut pandir, tatap kada hakun juwa. “Nah iyapang ne” jar nang laki. “Mun pian tatap supan haja, ulun umpamakan haja nah, jadi ampun ulun ne ngarannya ‘maling’, ampun pian ‘panjara’, di wadah kita bagawi tu nang ngarannya ‘maling harus masuk ka panjara’. Napakah, ahirnya hakun juwa biniannya.

Jadi malam tu nang badua ne sapakat bahwa maling harus masuk panjara. Pokoknya sampai badarah-darah dipukuli ahirnya masuk jua ae maling ne ka panjara. Imbahitu taguring lakiannya. Kada lawas digarak nang bini “Bang, napa maka malingnya takaluar pada panjara, kita lincay ja supaya masuk pulang maling ne ka panjara!” Jar nang bini. “He eh” jar nang laki. Imbah dilincay, masuk pulang malingnya ka panjara.

Taguring pulang lakiannya. Nang bini parahatan panambayan tadi panyupan urangnya, manggarak pulang. Sakalinya nyanyat sidin handak pulang. “Lajui bangun, malingnya lapas pulang, kita masukkan pulang ka panjara!” Jar nang bini mambawai. Nang laki ne asa kuler-kuler ha, tapi tapaksaae. Ahirnya masuk pulang malingnya ka panjara. “Lapah saku malingnya ne, biar ha inya guring dalam panjara ne” jar nang laki.

Parak subuh, tabangun pulang nang bini. Dilihatinya lapas pulang malingnya. Langsung ae manggarak nang laki. “Bang, kanapa maka lapas pulang malingnya?” Nang laki ne kada batanaga lagi awak. “Lakasi Bang! Kita tangkap, masukkan pulang ka panjara!” jar nang bini ne. “Lapah banar sudah aku, biar ha kada usah dimasukkan lagi” jar nang laki. “Kada mau kaitu ae, kena kita dimarahi atasan mun malingnya kada dimasukkan ka panjara.” Sambil tauling-uling laki, paksa ae bangun pulang, manangkap malingnya supaya dimasukkan ka panjara pulang. Ahirnya tatangkap pulang.

Taguringan pulang badudua. Sampai tadahulu nang bini bangun. Nyanyat pulang sakalinya. “Nah, napa pulang ne maka lapas tarus, lakasi kita tangkap pulang!” jar nang bini.
Nang laki nang sudah kauyuhan mulai tadi, lintuhut karing, makan pilungsur kadada, lalu baucap ai, “Sadangi ding ae, kasiannya maling, kada saumuran juwa kalo maling ne masuk panjara”. Langsung ae tinggalkan nang laki guring.

(Note: mun ditaruskan, kada baampihan kisahnya)

Iklan

2 thoughts on “MALING HARUS MASUK KA PANJARA

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s