SALITING SALAWAR


SALITING SALAWAR
Oleh: Adum M. Sahriadi

Aluh Kimut ne bagawi di kantur suwasta asing. Subuh tu inya handak tulak bagawi. Kaya biasanya inya mahadangi bis di muhara gang. Aluh ne bila bapakaian tu pasti liwar bangat, kintat wan salalu mamakai rukmini. Urangnya sudah liwar manampurak putih, palagi bapakaian kaya kaitu, makinnya ai lilih liur baungan bubuhan lalakian.

Kada lawas, datang bis nang dihadangi. Inya bausaha masuk mulai lawang balakang bis, tapi kada sampai maluncat gara-gara rukmininya tadi kintat banar. Imbah sadar ruknya kintat, balalu tangan kirinya manarik saliting ka balakang ruk supaya balunggar.

Tatap haja inya kadakawa maluncati lawang bis. Balalu inya manarik pulang salitingnya tabanyak pada asal. Lalu baluncat pulang ka dalam bis, tatap ae kada kawa. Kada lawas takajut Aluh ne, ada tangan nang kakar manunjul mulai burit sampai inya tamasuk ka bis tadi.

Aluh ne mancalanguk ka balakang handak tahu siapa nang manunjul tadi. Imbah dikulihnya, ada lalaki barambut gundrung kukurihing ha malihati Aluh Kimut ne.

“Uii, waninya ikam ne manjapai-japai buritku manunjul ha pulang, kada supan kah?”

Urang nang barambut gundrung tadi manjawab, “Nang kada tahu disupan tu hampian Cil ae, pian wani banar manarik saliting ulun padang urang banyak. Mun handak jua jangan di sini, kita ka padang gatah situ!” (Sambil manunjuk ka padang gatah).

Iklan

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s