KAI IJAK KALAH TARUHAN BULA


KAI IJAK KALAH TARUHAN BULA
Oleh: Dayat El-Amrozie, Banjarmasin

Kai Ijak kalah taruhan main bula ne kisah lawas pang sudah, waktu jaman piala dunia tahun 98 di Perancis tu. Alkisah, Kai Ijak ne umpat-umpatan jua taruhan (tebak skor). Nang dilawani sidin ne si minantunya, Julak Kinoy. Sialnya, Kai Ijak ne kalah tarus taruhan, kada suah manang. Imbah tuntung piala dunia, lalui Kai Ijak ne bakikisah di warung Kai Amak. Pas pulang takumpulan bubuhan kai di situ.

Jar kai Ijak, “Minantuku si Kinoy tu harat banar kam taruhan, aku haur kalah tarus dapatnya.” “Iya leh?” Jar kai Akim. “Kayapa garang kisahnya?” Kai Amak pulang batakun. Jadi jar kai Ijak, “Pukuknya tiap kali taruhan aku kalah tarus dapatnya si Kinoy tu. Yang waktu Korsel malawan Belanda ja, wani inya umpat Belanda maopor 4-0, sakalinya tatap kalah Korea 5-0. Maka taruhannya per-gol pulang, sabigi gol saratus ribu. Habis duitku hasil kulihan mangayu dapatnya si Kinoy tu.” “Baarti pian tu hakun ja lah bagadang manuntun bula?” Jar Kai Amak. “Aku kada suah bagadang” jar Kai Ijak. “Haw…. pabila pang pian tu manuntun bula? Maka mainnya tangah malam?” takun Kai Agam kaheranan. Jadi jar kai Ijak, “Aku manuntun siaran langsung yang tangah hari ja.” “Hahahahahahaha……… pain tu dibunguli minantu pian tu kai ai…” jar kai Amak. “Hah… kanapa tadi????”Jar kai Ijak takajut. “Nyata ai Kinoy tu manang tarus, mun yang dituntun tu siaran ulangnya, yang iyanya tu main yang tangah malam tu, hahahahahahaha……” sahut kai Agam sambil mangalakak tatawa. “KINOY BANG***************SAATT, diwaluhinya unda!!!! Dasar minantu durhaka!!!! Kubunuh ikam kina!” Jar kai Ijak kasasarikan.

Langsung kai Ijak tadi maambil parang di padapuran warung kai Amak sambil bukah-bukah bulik ka rumah handak manimpas julak Kinoy. imbah dicarii di rumah, kadada sakalinya urangnya. “Umanyaaaaaa!!!!!” Jar kai Ijak mangiyau nang nang bini. “Napa abahnya” jar nang bini ti. “Mana si minantu ikam si Kinoy tu? Handak kutimpas nah, mambunguli kuwitan ja gawiannya!” “Sabar-sabar abahnya ai, tu tadi si Kinoy sudah bulik ka Amuntai handak maitik pulang jar, cuma batitip surat ja gasan pian abahnya ai” jar nang bini sambil manjulung surat dari julak Kinoy.

Imbah dibuka isinya, sakalinya ringkas ja tulisannya, “Ui Abah mintuha, tarimakasih banarlah pian baik hati banar mambari ulun duit sing banyakan, sampai jumpa lagi di Piala Dunia 2002, itu gin mun pian masih hidup.”

hahahahahahahahaha……..

Iklan

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s