TATO MAWAR ALUH KIMUT


TATO MAWAR ALUH KIMUT
Oleh: Adum M. Sahriadi

Aluh Kimut ne tulak ka Bali, imbah sampai di Bali langsung inya bajalan ka Pantai Kute. Di situ inya malihat urang maulah tato. Asa handakai juwa si Aluh Kimut ne baisian tato nang kaya bubuhan bule. Baparakai inya lawan urang nang tukang ulah. “Mau bikin tato ya Mba?” Ujar tukang tato tadi. “Iya, bikinkan saya tato mawar di bahu!” Jar Aluh. Tukang tato nang malihat Aluh ne bungas wan lamak mungkal, langsungai maulahkan. Imbah tuntung dibayari Aluh, lalu bajalan ka pantai.

Aluh malihat urang-urang bule kadada nang karuannya bapakaian, umpatai juwa bapacul baju, tinggal dalamannya ja lagi. “Dasar bungas wan langkarnya aku ne” jar Aluh dalam hati. Bajalan ae Aluh ne, di tangah jalan batamuan lawan bubuhan pamudaannya (turis lokal juwa). “Ehmm…ehmm, kawakah umpat mancium mawarnya?” Jar saikung manakuni. “Kawa ae” jar Aluh. Mandangar kaitu baparakan nang lainnya handak umpat juwa. “Siapa nang handak badahulu” jar Aluh mamancing. Langsungai sumangat nang lain baparak. Maju saikung nang gagah, “Aku!” Jarnya. “Hadangi dahulu, sabalum ikam mancium mawarnya, cium dahulu akarnya nah!” Jar Aluh sambil maungkaikan katiak.

Iklan

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s