PUKULI


PUKULI
Oleh: Adum M. Sahriadi, Kelua

Lagi raramiannya main catur di warung Angah Ibat, Angah Imran ne takajut mandangar kikiyawan Utuh Runi. “Ngah, Ngah, lajui umpat aku! Tuh Pa RT mukuli maling.” Kada panjang-panjang pikir, langsungae Angah Imran nang dikanal jagau di kampung bangun, manyintak pisit-pisit tapih ka pinggang. “Nah Pa RT, hadangi ha, tinggali aku batisnya barang!” Jar Angah Imran sambil babuat ka honda Utuh Runi.

Imbah toe langsung buhannya manuju TKP. Imbah malihat Pa RT katapukan manampiling maling, baucap ae Angah ne, “Stop! Stop! Kanapa ne?” Sambil bahinak turun naik Pa RT ne mangisahakan bahwa maling katangkapan maambil Hpnya, “Biar kupukuli Ngah ae, nyaman jara inya.” Bamaju Angah Malihati malingnya, nang pina wigas ha masih, “Nah, salah mun kaitu caranya, ikam kada bulih main hakim saurangan, nginto ngarannya malanggar hukum” jar Angah kalihatan dewasa.

Bapaling Angah Imran ne ka arah Utuh Runi, “Run, kiyawi bubuhannya nang main catur tadi, kita pukuli basamaan, main hakim rame-rame supaya kada disambat urang main hakim saurangan!” Pincat muha maling te mandangar suruhan Angah tadi, “Ampun…ampun, ulun kada lagi mancuntan.” “Sakali hulu”, TAPAU tampilingan Angah ne bajarikit di muha.

Iklan

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s