KURIK API


KURIK API
Oleh: Adum M. Sahriadi

Parahatan jaman bahula, takisah 3 ikung urang nang kada suah tapisah ka mana haja. Buhannya batiga ne baisi kabiasaan nang kada sama saikung-ikungnya. Si Runi urangnya katuju main bibinian, Si Ijul katuju manginum malaga, nang tarahir Si Adum katuju baruku. Singkat kisah, buhannya ne tulakan ka gunung kadada batujuan, lalu tamasuk ka dalam guha, batamuan lampu ajayib nang kaya kisah Aladin dari Kalua.

Balalu si Adum maambil lampu ninto, langsung mangusuk-gusuk wan tangan. Kada lawas, kaluar palak, imbah toe baubah jadi mahluk nang mambari takutan.

“Ha ha ha ……Akulah Jin Ifrit..! Karana buhanmu nang mangaluarakan aku mulai lampu ninto, kubari 3 kahandakan ikam sagan kukabulakan”.
Nang batiga ne ampih takutan, langsung arai wan bapikir nangapa cagaran diminta, wan kasampatan nangini hanya sakali saumur hidup.

Si Runi: “Aku handak bibinian anum dari samua bangsa nang ada di dunia, imbahtu andakakan dalam guha nang tatutup wan jangan ganggu aku salawas 3 tahun. (Bimsalabim, hatap dua bidang, langsung jadi kahandakan Runi ne).

Si Ijul: “Aku handak sabarataan arak nang ada di duniya ne, cukup saganku 3 tahun, imbahtu andakakan dalam guha nang tatutup wan jangan ganggu aku salawas 3 tahun. (Bimsalabim, hatap dua bidang, langsung jadi pulang kahandakan Si Ijul ne).

Si Adum: “Aku handak sabarataan ruku nang paling nyaman di duniya ne, imbahtu andakakan dalam guha nang tatutup wan jangan ganggu aku salawas 3 tahun. (Bimsalabim, hatap dua bidang, langsung jadi kahandakan Julak Adum ne).

Imbah sampai ganap 3 tahun, jin tadi mancungul pulang sagan mambukakan lawang guha bubuhannya nang tatutup tadi. Guha nang pamulaan ampun Runi dibukakan. Imbah dibuka, kalihatan si Runi ne kurus karing awak, badiri gin kada hingkat kada sanggup manggarakkan lintuhut, asbab sahari-harinya mamuasakan nafsu lawan bibinian haja. Kada lawas mandabuk Runi ne tarabah ka tanah, imbahtu mati.

Imbah tu Jin ka guha Ijul. Imbah dibuka, kalihatan si Ijul ne baganal parut nang kaya balambika musim hujan, asbab saban harinya manginum arak mabuk-mabukan. Bajalan kada tapi tamara, kada lawas mandabuk Ijul ne tarabah ka tanah, imbahtu mati.

Nang paampihan guha si Adum dibuka, imbah dibuka tanganga si jin, napang malihat si Adum sihat wal afiat bangat, kadada kurang sabuting-buting. Imbah tu bangun ae si Adum baparak wan jin.

Plak Plak Plak, si Adum ne manampar si Jin. Sambil bakuriak si Adum ne baucap, “DASAR BUNG**L IKAM NE JIN AE……!!!! KOREKNYA MANA????

Iklan

12 thoughts on “KURIK API

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s