Kesah Talu Ikung Pilut


Kesah Talu Ikung Pilut
Oleh: Adum M. Sahriadi

NSL-01

Kesahnya ne pas tarjadi rahatan perang dunia nang kadua. Tiga buting pasawat Walanda mandabuk gugur di hutan nang jauh lawan manusia nang di kuta. Ujar urang toe di padalaman di padang suku primitip. Ketiganya pilot nang tagugur tadi ditangkapi ulih bubuhannya. Tamintang juwa buhannya jar astilah bahasa lautnya ‘head hunter’ salajuran kanibal juwa. Imbah tahu buhannya kaetu, balalu ae nang batiga ne manyambah-nyambah lawan kapala suku supaya jangan dimakan wan disumbalih.

Ujar kepala suku bapander, “Kalo bubuhan ikam masih handak hidup, buhanmu harus tulak ka hutan, imbahitu bawa ka mari SEPULUH bigi buah nang sama. Kubari buhan kam waktu 3 jam mulai wayah ne!”

Imbahitu langsung ja buhannya ne ti badadas bukah ka hutan mancarii bubuahan. Imbah dua jam pilot nang pamulaan datang mambawa sapuluh bigi buah apel.

Ujar kapala suku, “Ha ha ikam mambawa buah apel. Damini jua ikam masukakan ka lubang burit ikam saurang sabiji-sabiji. Bila ikam bakuriak atawa basuwara haja, kami cancang toe pang lanik-lanik nang kaya sate!”

Bagagamat pilot ne ti mambuat apel ka lubang burit. Liwar parjuangan mamasuk akan nang pamulaan kada sing suara-suara, ahirnya tambus juwa. Lalu nang kadua, kada tahan lagi pilot ne kasakitan lubang burit akhirnya kaluar juwa suara sidin ta aduh. Plak, panggal kapala pilot ne ditimpas kapala suku. Mati, lalu naik masuk ka surga.

Pilot nang kadua datang membawa 10 bigi buah lengkeng. Kurang labih lawan nang pamulaan kesahnya, tapi nang naya sidin sanggup mamasuk akan sambilan biji. Imbah sidin mamasukakan nang ka sapuluh, PLAK, pagat kapala sidin. Mati, balalu naik ka surga.

Parahatan pilot 2 naik ka surga inya tatamu wan pilot 1.
Pilot 2: “Wah kam mati juwa lah?”
Pilot 1: “Inggih, aku tabawa apel. Sakit banar mamasukakan ka burit. Dasar bidawang juwa kapala suku to, saratnya ngalih banar. Ikam pang kayapa kesahnya maka takasini?”
Pilot 2: “Aku mambawa lengkeng.”
Pilot 1: “Jah, lengkeng? Ngintu halus banar barangnya, kada sakit ha pulang”
Pilot 2: “He eh kada sakit. Samuanya parak kumasukakan. Nang kasapuluh aku mamasukakan, aku tatawa, pas takaluar barataan nang hudah masuk tadi, imbah tu sampai ae aku ka sini.”
Pilot 1: “Bah iyapang, kanapa maka tatawa?”
Pilot 2: “Kayapa kada tatawa, pas aku handak mamasukakan nang kasapuluh, pilot 3 datang. Imbah hitu sidin mambawa DURIAN ha pulang sapuluh bigi”
Pilot 1: “??????????”

11 thoughts on “Kesah Talu Ikung Pilut

  1. bahubung andika urang kalua, caka jangan ada huruf “e” mun bapandir, karna jar urang haja pang, mun bapandir urang pahuluan nitu kada biasa baucap huruf “e” atawa “o”, umpama pander (bahasa Banjar Kuala) diucap “pandir”, kesah diucap “kisah”, botol diucap “butul”

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s