SI ANANG PUTIH


SI ANANG PUTIH
Oleh: Datu Panglima Alai

Utuh Palilak ada baisian kawan, ngarannya Anang Putih, sasuai wan galar maka nang ngaran Anang Putih ni urangnya dasar putih. Di kampung Utuh Palilak ni sabarataan kakawanannya sampai nang tuha-tuha baisi galar, asa kada akrab tu pang mun kada mangiyau galar.

Wayah nintu sapakawanan bubuhannya lagi takumpulan di gardu simpang tiga tuturunan jambatan, ada Utuh Palilak, Utuh Dungkuk, Amat Puyau, Anang Putih wan Udin Habuk. Rami bubuhannya bawawarahan sampai bakukuyaan bibinian, kada lawas buhannya taliati ka pipi si Anang Putih.

“Napa Nang pipi ikam ada saikit pina hauk kaya diaku?” ujar Udin Habuk. “Haw iya lih, kada tasalah liat lah ikam Din?” sahut Anang Putih. “Hi ih banaran Nang ai, dasar pina hauk saikit saku panyakit kulit, lakasi bawa ka dukter” ujar Utuh Palilak.

Pucat basadin muha Anang Putih imbah dipadahakan Utuh Palilak bapanyakit. Isuknya lakas inya ka dukter Eko diganii Utuh Palilak bapariksa. Tuhuk dukter Eko mamariksa muha Anang Putih sampai talipat dahi dukter Eko.

“Kaya apa dukter hasilnya, babahayakah panyakit ulun ni?” Ujar Anang Putih. “Sudah ku ulang-ulang mamariksa kulit ikam nang hauk ni normal haja” jar dukter Eko.

Asa panasaran baasa pulang dukter Eko mamariksa habis samuhaan dipariksa dukter Eko, kada lawas babisik dukter Eko ka talinga Utuh Palilak, tatawa galak Utuh Palilak imbahnya, bingung Anang Putih maliat.

“Kanapa Tuh ikam maka tatawa galak?” jar Anang Putih.

Sakalinya Utuh Palilak tatawa imbah dukter Eko mambisiki mamadah akan panyakit Anang Putih, jar dukter: kulit Anang nang hauk tu justru itu nang aslinya wan baik tapi sabaliknya nang putih nintu sakalinya nang bapanyakit alias “bapanau”.

Iklan

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s