UTUH PALILAK JADI TANTARA


UTUH PALILAK JADI TANTARA
Oleh: Datu Panglima Alai

Utuh Palilak mandaptar jadi tantara, sasuai latar balakangnya nang rancak hidup di hutan, ahirnya inya di andak di batalion infantry alias pasukan bajalan batis kompi senapan. Di batalion Infantri nangintu inya batamuan wan urang banjar jua si Amat Tagan urang Kandangan. Ujar, tagan tu galar haja kapanjangan dari tahan gantal. Saikungnya lagi si Anang Gundang Urang Banjar Kalayan. Rasuk banar batiga ni paling rancak maniniwah wan malawan ka kumandan, pawaninya ha pulang di pasukan ti.

Kisahnya ni di mulai matan pasukan Utuh Palilak latihan perang, karana jaman sakit wan nagara kada baduit maka bubuhannya ni latihan kada pakai sanjata wan piluru. Dangarakan instruksi kumandannya nah nang bangaran Kapten Samuel urang Manado.
“Para prajurit! Latihan hari ini kita tidak pakai senjata dan peluru asli, suara pistol cukup diganti dengan DOR, suara senapan diganti dengan DAR dan suara granat pakai BLAM, mengerti semua?”
“Mengerti Komandan!” Badarau buhan prajurit manjawab, tamasuk Utuh Palilak, Amat Tagan wan Anang Gundang.

Latihan pun dimulai, rami bangat kuciakan DAR, DOR, BLAM banyak nang tajungkangan mati kana timbak, kada lawas tadangar suara abut bangat pina bakakarasan, lalu baparak kumandan Kapten Samuel.

“Ada apa ini ribut-ribut?” Ujar Kapten Samuel.
“Ini Pak, Utuh Palilak, Amat Tagan sama Anang Gundang nggak mau mengikuti peraturan, tadi saya tembak pakai senapan DAR, DAR, DAR nggak mau mati” ujar Kopral Jono.
“Benar itu Pak, tadi aku tembak mereka juga, bahkan aku granat sekalian tidak mati-mati, apa kata dunia” ujar Kopral Ucok.

“Benar itu Palilak, Tagan, Gundang?” Ujar Kumandan pina sarik manciling ka arah buhan Utuh Palilak.

Bubuhannya babaris Utuh Palilak di muka, Amat Tagan di tangah, Anang Gundang di balakang.
“Bujur pa ai, kami dasar kada kawa mati sabab kami babuat di mutur TANK, ulun nang manyupir, makanya tadi ulun babunyi BRRRRM” ujar Utuh Palilak. “Inggih kumandan ai ulun wan Anang Gundang umpat babuat di mutur TANK Utuh Palilak” ujar Amat Tagan jua manyahuti. “Saharusnya buhannya nang matian pa ai, ulun tadi basinapang masin manimbaki matan dalam mutur TANK” ujar Anang Gundang jua kada mau kalah.

Tadiam am Kapten Samuel, dalam hati sidin gagarunum, “Dasar nasib badiam di Negara Miskin.”

Iklan

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s