KUNJUNGAN RAJA KINOY


KUNJUNGAN RAJA KINOY

Oleh: Zaki Attamami, Amuntai

Zaki Attamami

Alkisah di nagri baras kada baantah, ada saikung Raja nang pintar wan adil bijaksana. Pukuknya diparcaya rakyat tupang pamandirannya, kawa dipingkuti. Suatu hari sidin bailang ka Sambang Lihum, wadah paling ramah sadunia. Sualnya di sana mun kita datang pasti disambut wan lihum kurihing manis wan sanyuman. Tapi mun tasalah-tasalah sadikit, urang maklum haja. Kadada nang sarik.

Bailangnya raja tantu maulah himung urang sakampungan, balalu Raja tadi imbah basilaturrahim wan bubuhan urang kampung mandatangi urang-urang nang pandidikan di sana, ada kamar nang istimiwa didiami urang badua. Ditujuakan ulih kapala ahuy di sana. Saikung dikiau Amang Kumba, saikungnya si Adul.

Si Adul lg barabah si Amang badiri bapingkut di kandang wasi, lihum malihat raja lalu. Kadada bapandir.

“Ampun tuan raja” jar kapala ahuy Sambang Lihum. “Kalu ae hampian hakun bapandir wan sidin nangini satumat.” “eeh” jar raja, lalu batakun wan Amang, “Siapa sampian?” “Aku nabi Musa..!!” jar Amang kada tahu-tahu.
Takajut Raja, “Harat pada aku ngini judulnya? Siapa madahakan pian kaya itu?” jar baliau.
“Tuhan..!!” jar Amang. Si Adul nang tadi barabah langsung bangun manyarik-nyarik, “Kadada ah Raja ae, aku kadada madahi kaya itu..!!” jar Adul.

Tadiam raja, imbahnya lihum saurangan. Hanyar nang lain wani tatawaan barataan.

(kaluae ada kakawanan yg balum tahu sambang lihum, itu adalah wadah panyambuhan  dangsanak nang labihan akal, mudahan lakas waras sunyaan nang di sana)

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s