Amang Kumba Handak Wigas


Amang Kumba Handak Wigas
Oleh: Zaki Attamami, Amuntai

Masih kisah di Sambang Lihum, Amang Kumba, si Adul wan Tulamak. Makin lawas makin babagus kalakuan, alhamdulillah batambah baik daripada baharinya. Sanang hati kapala ahuy malihat. Singkat kisah, ditantuakan waktu sagan tes paampihan handak kaluar pandidikan. Wayahnya pun sampai, tes partama disuruh mangaji. Lancar batitiga, Amang Kumba wani sambil bapijim ha. Hafal sakalinya sidin, padahal itu-itu haja nang bisa. Imbah tu disuruh sumbahyang lawan ditakuni parkara agama. Lulus tes pamulaan.

Tes kadua, masalah dunia Lancar jua, manganal ngaran-ngaran sunyaan banda. Bahari Adul pasti minta banyakiakan garpunya bila makan mie, wayahini tahu dah garpu tu napa.

Tes paampihan, hiburan haja sabujurnya. Jadi disuruh banyanyi. Partama, Amank Kumba kada disuruh-suruh baduhulu maju. “Lagu apa?” jar kapala ahuy, “Salim iklim” jar Amang, sakalinya banyanyi lagu shalawat, “Ya Rabbi shaLLi ‘alau Muhammad, Ya Rabbi shalli ‘alaihi wa sallim…” nang kaya Wafiq Ajijah tupang! “Bagus bagus!”Jar kapala ahuy, “LULUS ikam.”

Nang kadua, Adul maju. Banyanyi lagu Banjar, pina taubah-ubah ha. “Pa.. bulik pang satumat, bulik pang satumat. Lawasnya ulun mahadang, ulun maninggalakan. kampuung halamaann..” “Satup satup!” Jar kapala ahuy, “Handak bulik satumatkah atau balawas kada ka sini lagi?” “Hee” jar Adul. “Kada pa pa Ayy..” Lulus jua Adul.

Tarakhir, Tulamak bingung lagu apa? Imbah digasak kapala ahuy hanyar mamulai, “Ehm.. Tess!!” jar tulamak mantap.
“AKU MASIIHH.. Seperti YANG DULUU…!!”
“Nahh, labar am jar kapala ahuy! Babulik baasa ikam, badua ja nang lulus..!” Heu heu.. ^^v

(Tulamak barilaanlah, handak ngaluarakan Amang Kumba hulu.. Wkwk)

Iklan

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s