“PULISI JUA”


“PULISI JUA”

Acil Mastah baisi anak halus nangaran Inal. Si Inal ngeneh, nakal wan pawaninya antara sapakawanan di sakulahan SD atawa di kampung inya saurang. Harat bananaikan ka atas puhun (bagaimana bangkui ha leh..qiqiq), landang banyalam maka laju ha pulang bila bakunyung di batang banyu. Bila ada kakawanan nang bamamakan, Inal katuju bangat mamintai. Banyak urang garigitan bila Inal bakalakuan saking kamamacalannya. Mamanya rancak bangat manyariki, mamukul Inal wan hahambat tilam paikat diburit apabila Inal nakal.

Asa katutuhukan malihatakan kalakuan Inal -mamanya baucap, “Ikam Nal ai bila sakali lagi nakal, ikam pa di tangkapnya pulisi, hakunkah?” Jar Inal, “Pulisi tu nang kayapa garang bandanya ma?” Mamanya manyahuti, “Urangnya ganal panjang basar, bila basisingut iya tu” (kisah manakutani).

Singkat kisah, kabalujuran bahigaan wan rumah umanya Inal ada pulisi hanyar umpat manyiwa (mngontrak) rumah julak Idar. Pulisi tadi, sudah awak ganal, kulimbit hirang puratak, batangkal-tangkal alias satirik, bagabis wan basisingut mamanting ha pulang (kada kawa makan gangan waluh, manyalju tupang sisingut). Tarnyata sasuai wan kisah kuitan, pas pamulaan malihat, Inal takajut, smpat bapikir, “Ngene inya pulisinya nang handak manangkap aku.” Langsung Inal bukah tacirit-cirit, mancari tampat basambunyi. Kakarujuk Inal mancari tampat kadada nang muatnya gasan sa awakan. Pas banar te jua wan nang dikahandaki, tabarung umanya Inal basasapu ratik di halaman, kada pikir handap lagi, Inal bukah manunti umanya, langsung basarusup ka dalam bawah ingkang umanya, astilah bibinian, sidin tabarung mamakai baju dastar, nyata ai muat awak inal. Sakalinya inal, batambah takuriak bahintajul pas basambunyi dalam dastar umanya, manggarung takuriak manangis. “Kanapa Nal?” Jar umanya. “MAMA PULISI JUA” jar Inal. Pas dicek kabujurannya, sakalinya Inal talihati pakakas ampun umanya nang basisingut, karna kada sing tutupan.

Iklan

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s