Baakal Nang Tuha Pada Nang Anum


Baakal Nang Tuha Pada Nang Anum

Badua baminantu ni sama-sama pada katuju maunjun. Suatu hari tulakan ai maunjun, sampai di paunjunan bapisah ai nang minantu ni tapi umpan gabin di bagi dua. Rupanya nang minantu, dua mambawa umpan, sabuting gabin sabuting tahi. Tapi nang minantu manyimpani umpan tahi di dalam topi atas nang dipakainya. Dua jam dah nang abah ni kada sing ulihan balum, tapi nang minantu ni sisit tarus, maklum umpan tahi ni lakas dipatuk iwak. Mandangar nang minantu pina baulih tarus, lalu maintip ai nang abah sakalinya malihat satumat maanu umpan ka dalam topi. Datangi abahnya ai.

Abah : Umai lih tuh banyaknya ulihan, ampunku maka kada mau dipatuk iwak.
Minantu : Maka sama ha kita umpan bah ai.
Abah : Gabin luku jua pun ikam.
Minantu : Inggih bah ai, bataha ada umpan lain asli.
Marasa dipakalah ulih minantu, muar rupanya nang abah ni lalu dicatuk ai ulih nang abah di kapala.
Abah : Pintarnya ikam lih tuh!
Lalu lilih ai umpan nang di kapala ti.

Lalu isuk hari nang minantu ni handak mambalas ai jua, kabalajuran abahnya mambawa’i pulang maunjun. Sampai di paunjunan kada bapisah lagi, kada lawas unjun nang abah takait raba. Handak nyuruh minantu kada nyaman, jadi paksa ai najuni saurang. Tajun ai nang abah, pina lawas hanyar timbul sakalinya sambil maanu sangu wadai pais dalam kantung salawar. Pas timbul lalu maungkai ai kawadai pais.
Abah : Tuh, sakilinya di bawah ada warung ni aku nukar pais sabuting, mun handak ambil saurang.
Nang ngaran lapar di paunjunan, mantabau ai nang minantu batajun jua. Pas timbul babiru biru muha tahantup tunggul.
Abah : Ai kanapa tuh pina muha ikam baluka luka.
Minantu : Pian purun bah ai lawan ulun, pian nukar pais tadi kada bayar pas ulun nang dipukuli tukang warung.

Iklan

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s