PANGAYUH BATUAH


PANGAYUH BATUAH

Nang ngaran Amang Kumba siapa kada tahu, di kampung mun handak mancari nyaman haja. Amun siang, stembay di warnet Amak, amun malam kada lain pasti bajaga di warung Dayat.

Karancakan bagadang asa mahula-hula jua parut, jaka buntal tu bisa manggalambung dah kabanyakan angin. Makanya subuh-subuh sidin handak makan nang lambik-lambik, balalu ae Amang Kumba manyuruh anaknya si Adul mancari bubur di warung Acil Lilit.

Kanapakah waktu itu, warung Acil Lilit tutup, sakalinya sidin umpat mangganii bamumula di pangantinan sapupunya. Bulikae si Adul sambil bahabar pada warung tutup wan urang sudah bamumula gasan pangantinan. Pas banar jar Amank Kumba, pacang dapat makan gratis kita.

Kada lawas tulakan badudua, tapi di tangan jalan Amank Kumba mambisiki si Adul. “Nak..” jar Amang Kumba, “Masih ingat lo jurus kita?” “Seeep” jar Adul. Lalu buhannya bapisah.

Sampai di pa-aruhan, Amang Kumba langsung maambil alih urang maaduk bubur ba ayak nang parak masak dah, likat wan harum-harumnya. Sampai-sampai pangayuh nang dipakai gasan maharu buburnya hibak bacalumut bubur jua.

Kada lawas, datang si Adul, “Bah, minta duit..!” jar Adul. “Kaina!” jar Amang, “Abah auran lagi”. Ranai Adul, tapi masih ja ma ulit abahnya sambil manarik-narik baju abahnya. Bamamai ae amank, “Naa, jurang kaina-kaina. Kada ma’asi, tawak lawan pangayuh ngini ne..!!”. Jar amank sambil tatap maharu.

Kasian si Adul, ranai inya tapi masih ja pang ba ulit di higa. Rasa lapar-lapar lo balalu manculit ka bubur nang lagi diharu abahnya. Tapi bubur nang lagi di atas kawah tu nyata ae panas, takipik Adul kapanasan langsung nangis. “Haan, napa tiya jako..!!” Amang Kumba handak ngibit anaknya, tapi si Adul langsung bukah. “Wuii JANGAN BUKAHH!!”
Amang Kumba mangapung anaknya sambil tatap mambawa pangayuh nang hibak bacalumut bubur tadi.

“Baa..!” Jar tuan rumah, “Labar am! diakalinya aku?”

Iklan

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s