“KAI HARAT”


“KAI HARAT”

Hari itu pas hari Sabtu, pas banar tapaimbai wan hari pasar Barabai. Bubuhan urang di pahuluan maupun nang di hilir banyu datang ka pasar Sabtu, ada nang manunti handak bajualan maupun handak batutukar barang. Banyak banar hari itu manusia macam-macam balang takumpulan di pasar. Mumen nang kaya ngini biasanya pas banar digunaakan urang jahat handak babuat kada baik, baik mahilap barang dagangan urang, atawa mancupit duit atawa mancaluk salipi urang nang handak batutukar barang.

Pas hari itu, Mahaji Galuh pinda bainggang jajak di pasar los kain, mamilih wan malihat-lihat baju dastar nang bagantung di dalam tuku. Pas rahat asik mambiling-biling baju nang handak ditukar, kada sadar di balakng sidin ada cupit nang mahiris tas sidin nang dikapit dikatiak mahaji, pas rahat cupit handak mancaluk duit di dalam tas, ada urang liwat nang malihat kajadian ngintu, bakuriak riplik, “CUPIIIIITTTT”. Napang pada bahancap manusia nang mandangar taruak bukah mangapung si cupit nang sudah tatangkap basah handak mancuntan duit mahaji di dalam tas tadi tu. Katapauan kana tampiling, ada nang mambalik halar, ada nang manyipak, astilah dihakimi masa (he’eh…. han leh, kalakuan nang kada patut di cuntuh). Tapi nang anihnya, si cupit jangankan siup, bintat haja gen tidak apalagi tadarah (umay….napa ham nang dikaji…). Tuhuk sudah mangaruyuk, si cupit tadi tatap sigar, malah takurihing, “BUHAN IKAM HANDAK NAPA LAGI?” si cupit batambah manantang.

Bacungul ae kai tuha, di padang manusia nang bagarumut, langsung mantapau mahambat kapala cupit tadi wan tapih buruk, kada sawat balanggar manit, tahalukup (talukup) cupit kada sadar, lilih darah kaluar di luang hidung. “ILMU NAPA KAI NANG PIAN PAKAI?” “UMA KAI BA KACAMATI KAH PIAN?” “HARATNYA PIAANNN!” Macam-macam tatakunan urang nang malihat kajadian ngintu. Lalu kai baucap ai, “KADADA ILMU NGAPA-NGAPA NANG KU PAKAI, TAPIH NIPANG NAH, PARIKSA HA!” Taruruk mata, malihati napa jua nang istimiwa wan tapih kai, pas disingkai, cucuk haja pang cupit tadi tahalukup siup, sakalinya dalam tapih nang dihambatakan kai tadi tu, bagumpal “BATU DACING NANG SAKILU”.

Iklan

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s