GULA HABANG


GULA HABANG

Takisah di pahuluan, di Kacamatan Lampihung Kabupatin Balangan. Nang ngaran “Siti Manahani” ni katuju banar bajalanan saban kamarian, jar urang tu mijing. Ngaran kakanakan ni mana ada tapi panduitan mun bajalan, masih mananai ha wadah kawitan. Sain rancaknya bajalan, pas minyak sapida mutur ni kada taisi, kabalujuran kawitan kadadaan jua di rumah. Maka tajanji dah lawan “Utuh Mahandaki” pada handak bajalanan kamarian ni.

Ngaran sudah tajanji lalu bajalanan ai, pas di padang sunyi habis minyak Siti Manahani ni, lalu abut ai sualnya balum tatamu lagi si Utuh Mahandaki tadi. Dimapa akal, handak nukar minyak tia kada baduit, pas ada malihat urang datang manyadap hanau lalu ai Siti ni bapadah, “Minta am kai la-ang sabumbung”. Jar kai, “Gasan napang ikam?” Jar Siti pulang, “Ada haja tu”. Lalu dibarii ai ulih kai tadi.

Babaya talindung sadikit haja kai tadi, lalu tumpah Siti ai la-ang tadi ka tangki sapida mutur. Disalingar langsung hidup, lalu nunti ai anu Utuh Mahandaki. Babaya sampai wadah Utuh ni, lalu bingung ai utuh ni. Sakalinya nang kaluar di kanaput Siti ti kada asap kada, tapi katapukan gula habang guguran maka langsung babungkus daun lawan batulisan Rp 5000 sabigi.

Iklan

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s