MAHALA TANGGUNG


MAHALA TANGGUNG

Bamula takisah di jaman 2222, di pahuluan nang andaknya di Barabai, ada kampung nang bangaran Hujung Tanah. Di situ pacangan diulah orang real istit alias kumplek rumah miwah nang banyak. Waktu itu urang manggawi hanyar mauruk tanah wan mamindahi kubur-kubur nang tahambur supaya takumpul jadi satu haja. Pas kabatulan bubuhan nang mangawi ne mamindahakan kubur nang sabubutingannya, dipahujungan ha pulang. Handak kada dipindah, mahala tanggung. Handak mamindah tia sabutinganya tapisah. Ngarannya paruyik ti musti sasuai rancana. Kada mau kada tapindah jua. Jar urang sakampungan, kuburan tu kuburan si Utuh Halu, laen kubur nang bakalambu kuning jua, jadi kadapapa amun dipindah jua. Paling jar urang kada ada jua lagi bakasnya, lawas jua sudah dikuburnya.

Matan urang manabuk sampai taulihi sin lawasan, batangah harianan hanyar taulihi, tasulisih ha pulang sakalinya lawan batur. Sakali dapat urang maugai kubur ti, takajutan ae urang nang malihat, abut, tumbur. Kayapa kada tumbur amun malihat awak sabijian masih bakulimbit lawan daging alias masih baek. Maka jar sudah batahun-tahun. Kayunya pina kada ada lagi, kainnya gen rabitan sudah. Salidik-disalidik uleh purensik ….ooooo….sakalinya sidin ti waktu bahari, sakulah ka Banjar, narannya kada tapi baduit, jadi tiap kali makan iwaknya, bila kada iwak karing, iwak wadi paling harat iwak garih kiriman kuitan wan kaluarga matan di banua. Jadi mungkin karana kabanyakan makan uyah wadi, akhirnya awak sidin awit nang kaya iwak wadi.

Iklan

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s