HANTU DURIAN


HANTU DURIAN

Takisah di pahuluan, rami-raminya musim durian wan pampakin, tamasuk di kabun Amang Kumba. Nangaran Amang Kumba ne pawanian urangnya, pintar jua. Saraba tahu, sabuting ja nang kada tahu, tapi kada usah dikisahakan di sini, mun handak tahu takuni Julak Kinoy ja.

Kita kambali ka pukuk kisah. Jadi Amang Kumba ni wani haja bamalam sorangan manunggui durian nang gugur. Singkat kisah, hari sasain bamalam wan angin-anginnya jua. Batambah banyak ae jua durian nang gugur. Angin malam maulah hari batambah bangat dingin, “Nah, dikuyak ha saigi dua” jar Amang Kumba, “Gasan malawan dingin”. Balalu dimakan durian kada batawaran. Behh, nang ngaran lampini yo? Masak di puhun, mancalingit baunya maundang urang sabalah datang. Ada jua hantu durian yang kacar.

Bagamatan mamaraki Amang Kumba, balindung di balakang puhun. Pas handak mangajuti, kabalujuran mamparapas di atas, durian sing ganalan gugur. “DABUGG” Jar bunyinya gampap kaya durian mantah. “AKAYY..!!” jar hantu bakajutan sing nyaringan. Takajut Amang Kumba asa takibar sumangat malihat makhluk nang kada suah dilihatnya. Sambil diwaniakan, sampat jua batakun, “Napa julak??” Jar Amang.
“Astagfirullah…!! Jiah Kada ingat bahilang aku..!!” jar hantu.

Iklan

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s