TULAK KA AMIRIKA


TULAK KA AMIRIKA

Utuh Palilak baisi dangsanak di gunung Maratus nang bangaran Utuh Dungkuk, kaya apakah kisahnya timbul si Utuh Dungkuk di undang urang ka Amirika gasan pamiran “Masyarakat Adat” jar. Saku gara-gara si Utuh Dungkuk harat ba igal, tahan 7 hari 7 malam. Singkat carita abut urang di kampung Utuh Dungkuk kaya apa caranya tulak maka tikit pasawat wan pamalaman sudah ditukarakan urang barataan gasan badua haja. Bubuhan tatuha kampung kada hakunnya mangganii tulak, takutan sasat jar wan kaganangan turihan. Kada lawas bubuhannya kaingatan si Utuh Palilak nang suah tulak ka Jakarta ba pasawat.

Singkat carita tulakan Utuh Dungkuk di gani’i Utuh Palilak ka Amirika ujar di kuta Lus Anjilis. Sampai di bandara bubuhannya diambili buhan kadutaan besar Indunisia, imbahtu dibawa ka hutil babintang 5, ganal bangat hutilnya maka batingkat, jandilanya banyak banar saku mun mambukai tunggal utingan matan baisukan sampai kamarian hanyar habis. Pahantian bubuhan kadutaan maurus administrasi, huhulingangan Utuh Dungkuk wan Utuh Palilak, kada lawas buhannya taitihi urang masuk kalawang nang babuka saurang. Imbah masuk tatutup saurang lawangnya kada lawas tabuka pulang lawangnya sakalinya kadada lagi urangnya, takajut Utuh Palilak wan Utuh Dungkuk maliat.

“Ui Palilak! Maliatlah ikam nang hintadi tu?” ujar Utuh Dungkuk babisik. “Hi ih” ujar Utuh Palilak pinda manggatar manyahuti. Kada lawas ada urang Bule ganal awak bajalan tuju kalawang tadi, bagagas Utuh Palilak wan Utuh Dungkuk mangapung wan manarik tangan si bule tadi sambil ba ucap “Uuui Suganal Awak jangan ka situ! Lawang nangintu bisa managuk ka manusia!” ujar Utuh Palilak wan Utuh Dungkuk. Takajut si bule kabingungan sambil ba ucap, “Who are you?” sambil manciling pinda sarik. Lalu malapas ai Utuh Dungkuk wan Utuh Palilak ka tangan si bule ti sambil kada lapas cangang ka arah si bule nang masuk ka lawang babuka saurang tadi.

Utuh Dungkuk wan Utuh Palilak tapaluh dingin, imbah lawang tatutup sasain tagang Utuh Dungkuk wan Utuh Palilak manahan hinak. Kada lawas lawang ti tabuka pulang, takajut banar Utuh Palilak wan Utuh Dungkuk maliat si bule tadi kaluar latat awak hirang kaya burit rinjing maka gundul ha pulang kapala. “Hintia napa jarku tadi jangan masuk luku, masih untung hampian hangit haja awak kada hilang di taguk lawang ti!” ujar Utuh Palilak bakuciak. Si urang negro nang hanyar kaluar pada lift tanganga kabingungan.

Iklan

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s