TABRANI VS POLANTAS


TABRANI VS POLANTAS

Tabrani katuju banar maingun burung, tapi sidin ini sadikit taganggu pandangarannya, maklum bakas dipatuk tadung di talinga waktu kakanakan. Sidin jua baisian sejenis daging nang takaluar di pinggang, urang Banjar mangaraninya tokol (batokol). Tokol itu bakas bisul, tapi kada mau hilang-hilang jua. Banyak burung nang diingun oleh Tabrani matan jalak sampai pipit. Pas malam, kamanakannya manalepon bahwa handak jua baisian burung. Jadi jar Tabrani daripada nukar balarang-larang, baik kubari haja ikam saikung burung jalak jar nya, hakun ae kamanakannya pas jua pulang sidin handak ka rumah kamanakannya, maklum lawas sudah kada batamu.

Baisukan banar Tabrani sudah tulak matan rumah. Basapida motor haja wadah nang kamanakan jadi burung nang pacang dibariakan wadah kamakannya dijarat di balakang sapida motor. Di tangah jalan urang rajia kandaraan bamotor banyak urang nang disinggahakan tamasuk Tabrani.

Pas Tabrani sudah singgah polisi nang manjaga manakuni,…”Siapa ngaran ikam?” “Tabrani Pak”, jar sidin. Rupanya polisi salah danger, pandangaran polisi ‘tak berani’. “Kenapa takut, ulun batakun ngaran haja” jar polisi. “Ia ae ngaran ulun Tabrani Pak ae”, jar sidin. “Oooo, kukira kam takutan, adalah sim?” Bangaran Tabrani kada paham langsungae manjawab, “Kasim masih di Banjar pa ae, kada suah bulik-bulik lagi”. “Nah, jarku SIM pakae kendaraan kam” jar polisi pina marangut. “Ohh, he eh, ada ae mun nintu”. “Itu napa di pinggang, senjata tajamkah?” jar polisi manakuni. “Tukul pak”, jar sidin pulang. “Tukul gin tamasuk benda nang kada bulih di bawa di pinggang”, jar polisi. “Laen pa ae, ne tukul”, jar sidin sambil mambukakan baju. “Oooo…” jar polisi unggut-unggut.

“Ikam kutilang, sim ikam ne mati”, jar pulisi pulang. “Jah, laen kutilang pa ae, ne burung jalak” jar sidin sambil manunjuk kurungan di balakang. ‘Kada perduli jalak, tatap kutilang”, jar polisi lagi. “Naaaah, iya am polisi ne kada tahu diburung, ulun handak meantar burung ne wadah kamanakan ulun” jar sidin sambil manjalasakan.

“Tatap kutilang, pian banyak banar salahnya” jar polisi lagi. “Iya pang sudah, mun handak kaeni haja, maraha aku kutilang, ikam bubut, kada tahambur galung” jar sidin. “Ngalihnya ae urang kada mangarti ne, tarus ha ikam, lapah aku mandiri” jar pulisi.

Balalu ae sidin sambil manggarunum, “Dasar bubut jua”……

Iklan

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s