Maulah Guguduh Batilanjang


MAULAH GUGUDUH BATILANJANG

Oleh Fahruraji Asmuni, Amuntai

Haji Ibus himung banar baisi minantu bibini nang bungas. Bujur haja urang kampung tapi minantu sidin naitu bisa banar bamasak-masak dan taat lawan mintuha. Napa nang disuruh digawinya. Haji Ibus lawas dah handak mamakan gaguduh. Balalu ai sidin manukar pisang pinurun lima sikat, maka pisang nang ditukar naitu ganal-ganal. Pukuknya kalu disanga puas tu pang mamakannya. Ganal riga.

“ Luh ! Luh ! Aku handak banar mamakan guguduh ulahan ikam. Maulah guguduh batilanjang Luh-lah,” ujar Haji Ibus.
“ Inggih, Bah-ai ! ujar Aluh manyahuti. Bagagas Aluh ka dapur: nyalakan kompor, tanggar rinjing, tumpah minyak lamak ka rinjing, kupas pisang, ambil galapung, dsb.

Rahatan asyik bagawi maulah guguduh, hampir kalumpanan awan pasan mintuha yaitu maulah guguduh batilanjang. Lalu ai Si Aluh mahancap mamacul baju, mamacul tapih,mamacul biha, mamacul cawat. Kalihatan awak samunyaan manampurak putih.
“Sir,sir!” Tadangar bunyi pisang tanyalam ka dalam rinjing nang panas. Baunya mandangur masuk ka hidung Haji Ibus nang rahatan duduk di ruang tamu sambil mambaca surat kabar.

Karna kada tahan lagi ma-arit liur, lalu-ai sidin ka dapur handak mamakan guguduh nang panas ulahan minantu. Sasampai di dapur, takajut Haji ibus malihat lalakun manantu.” “Astaga, napa ikam hajat Luh jadi batilanjang, “ ujar Haji Ibus batakun.
“Pian kalu Bah, nang manyuruh,” sahut Si Aluh.
“Ikam salah paham Luh-ai, maksudku bukan ikam nang batilanjang, tapi guguduhnya,” ujar Haji Ibus kirip-kirip mata malihat awak manantu putih mulus.
“Maksud Abah? “ ujar Aluh kada mangarti.
“Maulah guguduh batilanjang tu artinya maulah guguduh kada bagalapung, pisang wara nang disanga,” ujar Haji Ibus manjalasakan.
“ Uh…”

Lalu ai Si Aluh mahancap ma-ambil dan mamuruk cawat, baju,biha,dan tapih sahingga tatutup sudah barang-barang antiknya. Amun lambat manutup, kalu-kalu mintuhanya tahilap, maka tabaraurangan badudua-an haja di rumah. Nang lainnya tulakan ka pangantinan.

4 thoughts on “Maulah Guguduh Batilanjang

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s