MANUKAR HINPUN


MANUKAR HINPUN
Oleh: Dayat El-Amrozie, Banjarmasin.

Takesah si Ijum, urang kampung nang jauh banar dari kuta, jangankan ba hinpun, listrik ja gen di langgar lawan kantor pambakal ja nang ada, tu gen asal ada balistrik. Singkat kata singkat salawar, eh salah singkat cerita… si Ijum ne handak jua baisi hinpun, maklum handak jua tu nang kaya potongan urang sugih.

Imbah dirasa banyak ja duit kulihan maambil upah mangatam (jadi pangangarun), tulak ae si Ijum ne ka kuta handak manukar hinpun sambil mambawa bakul. Maklum ja pang, di kampung ngalih bacari kantongan plastik, jadi bakul tu pang gasan babawaan barang. Imbah tadapat tukunya, laluai kiting-kiting mata mamilihi hinpun. “Pokoknya hinpun ku ne harus nang model harat, kada hakun mudil hinpun bahari kaya C45 atawa Nokia 3310 ampun pambakal Tuhirang” ujar si Ijum dalam hati.
Tuhuk batutulih hinpun, akhirnya tapilih jua Blackberry, habis tu bayar ae lagi lawan nang jaga, kasirnya.
Jadi jar kasirnya, “Kartu SIMnya pang pian sudah baisi lah?” “Aku ne kada parlu pakai kartu SIM, di kampung ku kadada jua rajia kandaraan” jar Ijum.
”Nah ne kada beres saikung ne” jar kasirnya dalam hati.
”Hadang dahulu nah, wadah pian tu basinyal kada gasan hp?” jar kasir.
”Nah mun nitu salajur ja nah ku tukar sinyalnya, buat ja dalam bakul” jar Ijum pulang. “Dasar bungul saikung ne!!!” jar kasir manggarunum dalam hati.

Iklan

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s